Integrimi në BE, Vlahutin: Muajt në vijim janë vendimtarë, negociatat nuk janë dhuratë

Publikuar tek: aktualitet, më 17:13 26-03-2018 Integrimi në BE, Vlahutin: Muajt në vijim janë vendimtarë, negociatat nuk janë dhuratë Fragment nga mbledhja e Këshillit Kombëtar të Integrimit

U mbajt ditën e sotme Këshilli Kombëtar i Integrimit, ku kryetema e diskutimeve ishte strategjia e KE-së për integrimin e vendeve të Ballkanit Perëndimor.

Ambasadorja e BE-së në vendin tonë Romana Vlahutin tha se muajt në vijim janë vendimtarë për Shqipërinë, dhe shpjegoi në vijim se ku konsiston strategjia e re e zgjerimit dhe çfarë përfitojnë vendet e rajonit.

“Muajt në vijim do të jenë intensivë dhe ne jemi ambiciozë, do të kemi vlerësimin e progresit në raportin e vendit në prill, samitin mes BE dhe Ballkanit Perëndimor në Sofje në maj dhe së fundi takimin e Këshillit Europian në qershor. Në momentin që Këshilli vendos që bisedimet  të fillojnë roli i parlamentit do të jetë edhe më i rëndësishëm. Negociatat nuk janë një dhuratë, ato janë një instrument që përfaqësojnë zhvillimin e përpjekjeve, një kontroll dhe ndërhyrje më të madhe. Komiteti për Integrimin e BE dhe Këshilli Kombëtar për Integrimin në BE do të jenë thelbësore për këtë proces.”

Sakaq, ministri për Evropën dhe Punët e jashtme Ditmir Bushati deklaroi se mbetet shpresëplotë për hapjen e negociatave me BE në prill.

“6 këto iniciativa madhore priten të konkretizohen në periudhën në vijim. Fillimisht presim raportin e KE për të gjitha vendet që janë në proces zgjerimi, interesi kryesor i yni është Shqipëria. Mbetemi shpresëplotë që në prill Komisioni do të rekomandojë nisjen e këtij procesi bazuar edhe mbi logjikën e rekomandimit të 2016.”- u shpreh Bushati.

Screenshot_11.jpg

 

Sondazh

Më shumë në këtë kategori: « “Grabiti 11 mijë m2 tokë në Dhërmi”, pronari flet për Alket Hysenin: Kunata ime mashtron
GODET Kosova/ 50 biznese BOJKOTOJNË importin në Shqipëri »
Article Logic
Execution time: 0.011534929275513
array(1) { ["section"]=> string(90) "integrimi-ne-be-vlahutin-muajt-ne-vijim-jane-vendimtare-negociatat-nuk-jane-dhurate-114611" }