Ish-deputetja e PD i përgjigjet Senida Mesit, sulmon Ramën: U fsheh pas fustanit të grave...

Publikuar tek: politike, më 13:28 22-08-2019 Ish-deputetja e PD i përgjigjet Senida Mesit, sulmon Ramën: U fsheh pas fustanit të grave...

Ish-deputetja e Partisë Demokratike, Izmira Ulqinaku ka reaguar pas deklaratës së socialistes, Senida Mesi, e cila sulmoi ashpër Lulzim Bashën.

Ulqinaku i përgjigjet Mesit, duke sulmuar kryeministri, ku shkruan se Edi Rama fshihet pas pastanit të grave.

Më pas Ulqinaku, i kthete sërish Mesit, ku shprehet se nëse kjo e fundit do të kishte dinjtet nuk do të përdhoste socialistët e Shkodrës, duke u bërë vegël e Tom Doshit.

'Nëse Senida Mesi do të kishte moral dhe integritet, nuk do të përdhoste socialistët e Shkodrës, duke u bërë vegël e Tom Doshit dhe kriminelëve të tjerë të Edi Ramës', shkruan Ulqinaku, mes të tjerash

Reagimi i plotë:

Edi Rama u soll sot si një burracak, që fshihet pas fustanit të grave në përpjekje për të mbuluar lidhjet e tij me trafikantin e drogës Pëllumb Gjoka. Duke u fshehur pas fustanit të Senida Mesit, Edi Rama kërkon t’i shmanget të vërtetës. E vërteta që PD dhe Lulzim Basha po thonë prej 6 vjetësh është se Edi Rama e mori pushtetin dhe po e mban atë me kriminelët.

Nëse Senida Mesi do të kishte moral dhe integritet, nuk do të përdhoste socialistët e Shkodrës, duke u bërë vegël e Tom Doshit dhe kriminelëve të tjerë të Edi Ramës. Senida Mesi ka detyrimin të sqarojë socialistët e ndershëm dhe qytetarë shkodranë:

Pse ka lejuar që Partia Socialiste e Shkodrës t’i dorëzohet krimit të organizuar? Pse heshti, kur socialistëtve të ndershëm të Shkodrës iu imponua një kandidat i dënuar për trafik droge? Pse e vuri veten në pozitat e shërbëtores së krimit të organizuar në Shkodër?

Qytetarët e Shkodrës, socialistë, demokratë dhe pa parti e kanë të qartë se, njësoj si Edi Rama, edhe Senida Mesi, është e gatshme që për pushtet, të bëjë pakt me djallin kundër interesit të shkodranëve.

Në Shkodër Edi Rama qeveris me Tom Doshin, që socialistët e Shkodrës e kanë shpallur non grata, njësoj si Shtetet e Bashkuara të Amerikës! Në Velipojë qeveris me Pëllumb Gjokën, që ble vota për Edi Ramën dhe pastron paret e pista të drogës bashkë me Tom Doshin me lejen e Edi Ramës mu në mes të Tiranës.

Bashkëqeverisja e Edi Ramës me krimin është dështimi më i madh i PS në këto 30 vjet dhe, bashkë me PS, është dështimi më i madh i Shqipërisë! Gjatë qeverisjes së Partisë Demokratike dhe kohës kur Lulzim Basha ishte Ministër i Brendshëm, bosët e krimit të organziuar ishin prapa hekurave të burgut. U dëshët të vinit ju në pushtet që trafikantët, vrasësit dhe përdhunuesit nga burgu, të na i çonit në zyrat e shtetit dhe t’ia impononit qytetarëve si deputetë e kryetarë bashkie. PD me Lulzim Bashen është e vendosur ta pastrojë Shqipërinë nga llumi i krimit dhe ta drejtojë vendin drejt Bashkimit Europian.

Sondazh

Article Logic
Execution time: 0.0071120262145996
array(1) { ["section"]=> string(94) "ish-deputetja-e-pd-i-pergjigjet-senida-mesit-sulmon-ramen-u-fsheh-pas-fustanit-te-grave-176021" }