Ish-punëtori denoncon për rrahje Ramush e Daut Haradinajn, por më pas shkon në Polici dhe kërkon të mbyllet rasti

Publikuar tek: rajon, më 10:15 16-09-2020 Ish-punëtori denoncon për rrahje Ramush e Daut Haradinajn, por më pas shkon në Polici dhe kërkon të mbyllet rasti FotoArkive: Vellezerit Ramush e Daut Haradinaj

Ish-kryeministri i Kosovës, Ramush Haradinaj, dhe vëllai i tij, deputeti Daut Haradinaj, para rreth tre muajve janë denoncuar në polici për “rrahjen e një punëtori të tyre”.

Në dokumentet të cilat i ka siguruar KOHA, Haradinajt i ka denoncuar në Polici një mjeke kujdestare, e cila i ka dhënë ndihmë mjekësore një personi me lëndime trupore të cilat, sipas tij, ishin pasojë e rrahjes nga vëllezërit Haradinaj.

Rastin e ka konfirmuar Policia e Kosovës, e cila ka thënë se e kanë intervistuar ankuesin dhe se në konsultim me prokurorin është iniciuar rast për veprën “Lëndim i lehtë trupor”. Por pas dy javësh ankuesi ka shkuar në stacion policor dhe ka kërkuar që rasti të mbyllet. Gati 3 muaj qëkur ka ndodhur ky rast, siç ka mësuar KOHA, vëllezërit Haradinaj ende nuk janë marrë në pyetje në asnjë cilësi.

Sipas dokumenteve dyshohet se e tëra ka nisur më datë 22 qershor 2020, pak minuta para orës 15:00, ku një person ka kërkuar ndihmë në Qendrën e Mjekësisë Familjare në afërsi të ndërtesës së Telekomit, në lagjen “Dardania” në Prishtinë, jo shumë larg nga selia e AAK-së. Pacienti, identiteti i të cilit është i njohur për KOHËN, kur ka kërkuar shërbime shëndetësore sipas shkresës, ka pasur lëndime në trup dhe në sy. Mjekja e cila e ka kontrolluar pacientin e ka njoftuar Policinë menjëherë pas ekzaminimit.

Në raportin e Policisë së Kosovës, të cilin e posedon gazeta, ajo ka përmendur emrat e vëllezërve Haradinaj si shkaktarë të lëndimeve.

Sondazh

Article Logic
Execution time: 0.010912895202637
array(1) { ["section"]=> string(119) "ish-punetori-denoncon-per-rrahje-ramush-e-daut-haradinajn-por-me-pas-shkon-ne-polici-dhe-kerkon-te-mbyllet-rasti-220542" }