Kapriçot’ e motit, Policia apel drejtuesve të automjeteve: Ecni deri në 50 km/h (UDHËZIMET PËR TË SHMANGUR AKSIDENTET)

Publikuar tek: aktualitet, më 22:00 23-09-2019 Kapriçot’ e motit, Policia apel drejtuesve të automjeteve: Ecni deri në 50 km/h (UDHËZIMET PËR TË SHMANGUR AKSIDENTET) Policia Rrugore në terren për të menaxhuar trafikun pas përkeqësimit të kushteve atmosferike

Policia Rrugore u kërkoi qytetarëve të marrin të gjitha masat për të shmangur aksidentet në kohën kur kushtet atmosferike janë përkeqësuar ditën e sotme.

Për të shmangur çdo incident të mundshëm, struktura e Policisë Rrugore publikoi për drejtuesit e automjeteve listën e udhëzimeve paraprake që duhet të ndiqen.

Njoftimi:

Policia Rrugore

Nisur nga moti i keq, me reshje të dendura shiu në disa zona të vendit kryesisht në Tiranë, Durrës, Elbasan Krujë, Lezhë, Shërbimi i Policisë Rrugore tërheq vëmendjen e drejtuesve të mjeteve të bëjnë kujdes të veçantë sidomos:

  • Kufiri i shpejtësisë së mjeteve duhet të jetë jo më shumë 50 Km/h nëse dukshmëria është me e vogël se 100 metra.

Në situatën e rënduar të motit në tunele, në hyrje dhe në brendësi të tyre:

  • Zvogëloni shpejtësinë;
  • Aktivizoni ajrin riqarkullues të kabinës së mjetit;
  • Nëse konstatohet rrezik ndaloni para hyrjes së tuneleve;
  • Mbani krahun e djathtë;
  • Respektoni shpejtësinë e lejuar të treguar nga sistemi i sinjalizimit;
  • Aktivizoni sinjalin bllokues në rast rreziku;
  • Bëni kujdes nga ndryshimi i kushteve atmosferike, mbi sipërfaqen e rrugës;
  • Bëni kujdes nga ndryshimi ndriçimit në hyrje dhe dalje të tunelit.

Në raste përfshirje aksidentesh duhet të mbani parasysh:

  • Mos lëvizni nga vendngjarja;
  • Telefononi menjëherë në numrin 112 dhe prisni mbërritjen e ndihmës së parë;
  • Jepni informacion për emrin dhe numrin tuaj të telefonit, vendin ku ka ndodhur ngjarja dhe nëse nevojitet ndërhyrja;
  • Aktivizoni sinjalin bllokues të rrezikut;
  • Sigurohuni që jeni të dukshëm nga të tjerët (vishni jelek fosforeshentë) dhe evitoni mundësinë e ndodhjes së ndonjë aksidenti tjetër ose rëndimin e pasojave;
  • Vendosni trekëndëshin e rrezikut në distancë të mjaftueshme;
  • Ndaloni në të djathtë të karrexhatës nëse është mundësia;
  • Përdorni mjetet e ndihmës së parë;
  • Largimi nga vendi i ngjarjes, rrezikon ndalimin dhe arrestimin e menjëhershëm, përveç pezullimit të lejes së drejtimit.

Drejtuesit e mjeteve të evitojnë përdorimin e alkoolit gjatë drejtimit të mjeteve dhe të tregojnë kujdes maksimal për të evituar përfshirjen në aksidente dhe ngjarje rrugore.

#kontribuodhetipersigurinerrugore

Sondazh

Article Logic
Execution time: 0.12205696105957
array(1) { ["section"]=> string(120) "kapricot-e-motit-policia-apel-drejtuesve-te-automjeteve-ecni-deri-ne-50-km-h-udhezimet-per-te-shmangur-aksidentet-179548" }