Këshilli i Ministrave miraton vendimin: 705 vende të lira në administratë (KATEGORITË)

Publikuar tek: aktualitet, më 20:06 27-01-2021 Këshilli i Ministrave miraton vendimin: 705 vende të lira në administratë (KATEGORITË) Foto ilustruese

Këshilli i Ministrave në mbledhjen e sotme ka miratuar disa vendime, mes të cilëve edhe për rekrutimet në administratë.

Sipas vendimit numri i vendeve vakante të planifikuara për rekrutim gjatë vitit 2021 është gjithsej 705, i ndarë në disa katigori.

Ky vendim hyn në fuqi pas botimit në “Fletoren zyrtare”.

Vendimi i plotë:

Vendim për planin vjetor të pranimit për vitin 2021 në institucionet e administratës shtetërore, pjesë të shërbimit civil. Në mbështetje të nenit 100 të Kushtetutës dhe të pikës 2, të nenit 18, të ligjit nr.152/2013, “Për nëpunësin civil”, të ndryshuar, me propozimin e Kryeministrit, Këshilli i Ministrave

Vendosi:

Numri i vendeve vakante të planifikuara për rekrutim gjatë vitit 2021 është, gjithsej, 705 (shtatëqind e pesë), të ndara sipas kategorive të mëposhtme:

a) Për Trupën e Nëpunësve Civilë të Nivelit të Lartë Drejtues 4;

b) Për kategorinë e mesme drejtuese 60;

c) Për kategorinë e ulët drejtuese 169;

ç) Për kategorinë ekzekutive 472.

Grupet e administrimit të përgjithshëm dhe të posaçëm në kategorinë ekzekutive janë, si më poshtë vijon:

– Shkenca juridike;

– Audit i brendshëm;

– Shkenca ekonomike;

– Shkenca ekonomike/juridike;

– Shkenca shoqërore;

– Shkenca sociale;

– Histori-filologji;

– Shkenca mjekësore;

– Veterinari;

– Agronomi;

– Shkenca biologjike dhe të ngjashme me to;

– Kimi;

– Shkenca mjedisore ose të tjera të përshtatshme

– Shkenca inxhinierike;

– Arkitekturë;

– Arkeologji dhe restaurime;

– Arte të bukura;

– Gjeodezi;

– Shkenca ekzakte;

– Shkenca edukimi;

– Mësuesi;

– Arsim i lartë ushtarak/policor;

– Arsim i lartë.

Institucionet e administratës shtetërore, ku planifikohen vendet vakante gjatë vitit 2021, janë sipas lidhjes nr.1, që i bashkëlidhet këtij vendimi dhe është pjesë përbërëse e tij.

Ngarkohet Departamenti i Administratës Publike, në cilësinë e njësisë përgjegjëse, për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Sondazh

Më shumë në këtë kategori: « 'Asnjë rast me mutacionin anglez', Silva Bino zbulon marrëveshjen me shtetin ku dërgohen mostrat për ekzaminim
Pacientja surprizon kryeinfermieren me letër të hapur: Ti o mjeke, o grua e zgjuar rebelja që të vërtetën e shpreh me zë të lartë »
Article Logic
Execution time: 0.011852025985718
array(1) { ["section"]=> string(90) "keshilli-i-ministrave-miraton-vendimin-705-vende-te-lira-ne-administrate-kategorite-236646" }