‘Këta që u varin salçiçet në qafë të varfërve për të bërë fotografi…’

Publikuar tek: aktualitet, më 17:09 11-12-2019 ‘Këta që u varin salçiçet në qafë të varfërve për të bërë fotografi…’

Analisti dhe gazetari Mentor Kikia ka reaguar pas përplasjes mbrëmjen e djeshme në Opinion mes presidentit të Fondacionit ‘Fundjavë Ndryshe’ Arbër Hajdari me filantropin Elvis Naçi.

Përmes një statusi në ‘Facebook’, Kikia shprehet se mënyra e komunikimit mes tyre ishte gati e pështirë.

Sipas Kikisë, ishte një lloj gare për vëmendje dhe protagonizëm se kush ka bërë më shumë për shqiptarët e varfër.

Ai jep edhe disa arsye pse këto fondacione nuk janë bamirëse.

Statusi i plotë:

Këta që u varin salçiçet në qafë të varfërve për të bërë fotografi...

Një diskutim në "Opinion", ose më saktë mënyra e komunikimit mes drejtuesve të dy fondacioneve bamirëse, ishte gati i pështirë. Asgjë më shumë; ishte një lloj gare për vëmendje dhe protagonizëm: Kush ka bërë më shumë për shqiptarët e varfër?
Me këtë rast, doja të ndalesha në një fenoment që po e degjeneron edhe humanizmin si virtut njerëzor.

Së pari: A janë bamirës këto fondacione? Unë them që jo.
Sepse drejtuesit e tyre nuk kanë dhuruar asgjë nga vetëja. Këta janë vetëm menaxherë të ndihmave që japin të tjerët. Fondacione të drejtuara si të ishin kompani private, ato janë shndërruar gati-gati në biznese që “shesin” bamirësinë e të tjerëve. Ato kanë krijuar infrastruktura si të ishin kompani të mëdha tregtare, dhe padyshim që nuk i japin askujt llogari për mënyrën e menaxhimit të këtij humanizmi që u vetëofrohet si mëshirë për mjerimin.

Përtej kësaj, etja për mediatizimin, e ka bërë bamirësinë në Shqipëri të pështirë. Djem e vajza me qese me ushqime në duar vihen në rresht për të hyrë në shtëpinë e njerëzve të mundur nga mjerimi. Foto e filmime pa fund. Qeset me oriz e miell iu plasen në prehër të varfërve, ndërsa salçiçet ua varin në qafë, për tu bërë fotografi. Fëmijë të paushqyer e të zhveshur vihen në rresht për të bërë foto me shpëtimtarin, bamirësin e madh. I filmojnë mbarë e prapë. Kujdesen të fiksohet çdo rraqe e shtëpisë, çdo këmbë e zbathur, çdo bluzë e shqyer, çdo pjatë dhe tenxhere e palarë dhe e zbrazur... Përse? Cili është qëllimi? Që të tregohet se janë të varfër? Nuk ka nevojë për kaq shumë detaje.
Mjerimi të shvesh nga çdo lloj ndjeje njerëzore, të bën të ulësh kokën e të thuash vetëm “faleminderit”. Por jo deri këtu!

Etja për protagonizëm, për heroizëm dhe shenjtëri i bën këta “bamirës” që tu marrin të varfërve çdo lloj dinjiteti. Mendoni pak, pas disa vitesh kur ai fëmijë të rritet e të shkojë në shkollë, në rrjetet sociale do të jenë akoma videot kur atij i dhurohet një copë bukë në dorë dhe kur i duhet të bëjë si i lumtur kur të dalë në fotografi me atë “xhaxhin” që ia dhuroi.

Nuk ka nevojë tia varësh trastën e ushqimeve të dhuruara në qafë e tia tregosh gjithë botës. Bamirësia nuk bëhet për famë, por për shpirt.

Sondazh

Më shumë në këtë kategori: « Unioni i Gazetarëve Shqiptarë i bën thirrje qeverisë: Tërhiq projektligjet e Paketës Antishpifje, ja organizatat ndërkombëtare që ofrojnë mbështetje
Nga Reforma në Drejtësi deri tek lufta kundër korrupsionit, Prokuria e Përgjithëshme zbardh takimin me Soreca dhe Moses-Ones »
Article Logic
Execution time: 0.012109041213989
array(1) { ["section"]=> string(73) "keta-qe-u-varin-salcicet-ne-qafe-te-varferve-per-te-bere-fotografi-189112" }