Klajda Gjosha e LSI: Përgjimet e BILD leksion për shqiptarët! Solidaritet në këto momente të vështira…

Publikuar tek: politike, më 15:20 22-06-2019 Klajda Gjosha e LSI: Përgjimet e BILD leksion për shqiptarët! Solidaritet në këto momente të vështira… Klajda Gjosha

Pas përgjimeve të publikuara nga gazeta gjermane BILD, reagon ish-ministrja e integrimit Klajda Gjosha e cila i konsideron këto publikime si leksion për vendin tonë, kjo pasi sipas saj, politika ka nevojë të përfaqësohet nga njerëz të thjeshtë.

 

Nëpërmjet një postimi në rrjetin e saj social, Gjosha thekson se Shqipëria nuk mund të drejtohet nga njerëz që shesin dhe blejnë të drejtën e qytetarëve për të votuar të lirë.

“Përgjimet e BILD na kanë dhënë një leksion shumë të vlefshëm, atë që politika ka nevojë të përfaqësohet nga njerëz të thjeshtë, normal dhe si të gjithë qytetarët e këtij vendi.

Kuvendi i Shqipërisë, duhet të jetë shtëpia e integritetit shoqëror, vlerave, kulturës dhe dijes. Sot më shumë se kurrë nuk mund të pranojmë që Komisioni i Ligjeve, që propozon dhe miraton ligjet që diktojnë jetën e qytetarëve shqiptarë, të drejtohet nga njerëz që shesin dhe blejnë të drejtën e qytetarëve për të votuar të lirë, të shesin dhe të blejnë postet e administratës publike, të propozojnë ligje që dënojnë qytetarët dhe të shantazhojnë këdo që i tregon ligjin kur ata janë vetë objekt i tij!

Politika duhet cliruar nga retorika konfliktuale, personale dhe e urrejtjes. Qytetarët e këtij vendi nuk mund të ndahen në të majtë dhe të djathtë, ata janë të gjithë të barabartë brenda ombrellës që quhet Shqipëri!

Politika duhet të mësojë të respektojë dhe të ndahet një herë e mirë nga përcarja. Solidariteti në këto momente të vështira duhet të jetë pjesë e historisë së këtij kombi, për të ndarë politikën nga krimi, vulgariteti, abuzimi dhe deliri!

Ky vend e ka të ardhmen drejt europës, askush nuk e devijon dot këtë destinacion final. Do të mjaftonte vetëm pak maturi politike për ta bërë këtë realitet!”, shkruan Klajda Gjosha.

Sondazh

Article Logic
Execution time: 0.028522968292236
array(1) { ["section"]=> string(106) "klajda-gjosha-e-lsi-pergjimet-e-bild-leksion-per-shqiptaret-solidaritet-ne-keto-momente-te-veshtira-169288" }