Knut Fleckestein merr detyrën si këshilltar i Ruçit, flet për propozimin e kreut të Kuvendit dhe akuzat si ‘i shitur’

Publikuar tek: politike, më 18:10 11-07-2020 Knut Fleckestein merr detyrën si këshilltar i Ruçit, flet për propozimin e kreut të Kuvendit dhe akuzat si ‘i shitur’ Knut Fleckenstein

Ish-raportuesi për Shqipërinë në Parlamentin e BE dhe ish-eurodeputeti Knut Fleckenstein, para dy ditësh ka marrë detyrën si këshilltar i kreut të Kuvendit Gramoz Ruçi.

Ai tregoi në emisionin “Kjo Javë” prapaskenat e marrjes së detyrës dhe propozimin që i bëri Ruçi për t’u bërë këshilltari i tij.

Dy ditë më parë ju morët detyrën si këshilltar I kryeparlamentarit Ruçi, si erdhi ky propozim?

Jam mirënjohës ndaj kryetarit të Kuvendit që ma kërkoi një detyrë të tillë sepse kemi vite që bashkëpunojmë për Shqipërinë. Sepse unë nuk mund ta mendoj që thjesht të rri në shtëpi dhe tashmë që nuk jam më reporter të mos mendoj për Shqipërinë. Dhe do më vinte shumë mirë që vendet e Ballkanit Perëndimor së shpejti të bëhen pjesë e Bashkimit Europian dhe një ndihmë e mëtejshme nga ana ime është akoma më mirë dhe mezi e pres zbatimin e një detyre të tillë.

Kush ua bëri propozimin?

Ishte një ftesë nga ana e kryetarit të Kuvendit.

E pranuat menjëherë ftesën apo kishit dyshime ?

Po, veçanërisht sepse të jesh këshilltar për parlamentin duhet të jesh këshilltar i kryetarit të Kuvendit, por edhe të grupeve parlamentare sigurisht. Kjo ndihmon ndoshta të mos shihet si e njëanshme.

Si është të punosh me z. Ruci. Edhe pse puna ende s’ka filluar. A keni ju një parashikim për të?

E kemi diskutuar këtë javë sesi mund të jetë një detyrë e tillë. Sigurisht kam diskutuar edhe me Presidentin e Shqipërisë Ilir Meta, por edhe me kreun e PD Lulzim Basha. Kam disa ide, këshilla për të diskutuar me parlamentin për këtë proces, të nxis zhvillimin të jem sa më konstruktiv të jetë e mundur, të hapim diskutime me shoqërinë civile dhe besoj se ka shumë gjëra për t’u bërë por tek e fundit tashmë nuk jam më reporter, jam thjesht këshilltar.

Ju vjen keq që tashmë nuk jeni më pjesë e Parlamentit Europian?

Po, patjetër. Tashmë po mësohem me jetën e re. Isha paksa i zhgënjyer sepse më pëlqenin çështjet për Ballkanin Perëndimor, por sigurisht ka ende njerëz të mirë në PE që mund të vijojnë ta bëjnë këtë punë mjaft mirë. Kështu që jam mendje hapur lidhur me këtë dhe e di që gjithçka është në duar të mira, duhet të përpiqemi të gjithë të ecim hap pas hapi në rrugën e duhur.

Si do të jetë jeta juaj tani mes Shqipërisë dhe vendit ku jetoni?

Ju nuk mund të mendoni se unë tashmë do të transferohem në Shqipëri dhe do të jetoj këtu. Do të jem këtu 6 ose 8 herë në vit, do të bëj përgatitje të letrave sa i përket Shqipërisë, por edhe familja ka vend të rëndësishëm në jetën time. Kjo do të jetë mënyra se si do ta ndërtoj punën mes Shqipërisë dhe Gjermanisë. Do të punojë në Gjermani e më pas do të vij ta paraqes punën këtu dhe pasi të kem bërë këto punë përgatitore do të vij sërish në Shqipëri, ndoshta në shtator.

Këto ditë në Shqipëri, çfarë ju bën përshtypje? Jeni edhe fotografuar duke pritur një takim. Si i keni parë zhvillimet këtu të këtyre ditëve?

Nga njëra anë e shoh mjaft inkurajuese që ka diskutime edhe pse opozita jashtë parlamentare nuk ndodhet më në parlament, janë gjetur mënyra për të biseduar dhe për të folur për këto çështje. Ndërsa më pas i takon parlamentit, është një detyrë e vështirë për t’i sjellë bashkë dy opozitat, pra atë në parlament dhe jashtëparlamentare. Shpresoj shumë për një kompromis. Kam folur edhe me ambasadoren amerikane se si mund të ecim hap pas hapi. Por parlamenti është parlament, nëse nuk je në parlament.
Gjithashtu ish-eurodeputeti ka folur edhe për akuzat që i janë bërë pas marrjes së detyrës, akuza të cilat vënë në dyshim deklaratat e tij të mëparshme.

Si do t’i përgjigjeshit akuzave të disa kritikëve që pas marrjes së detyrës tuaj këtu në Tiranë, vënë në dyshim deklaratat e tua të mëparshme?

Kjo varet nga çfarë doni të thoni. E di që disa politikanë në këtë vend nuk janë dhe shumë të kënaqur me mua, sepse duhet t’i kisha nxjerrë më në pah sipas tyre gabimet e qeverisë, por kam takuar disa prej tyre edhe tani, por dua t’i tregoj se e gjitha bëhet për Shqipërinë për institucionet apo për parlamentin. Dhe kjo është një prej intervistave të mia të fundit që do të bëj, sepse mendoj se do të bëj një punë të mirë, nëse do të qëndroj prapaskene. Unë nuk kam asnjë përgjigje për disa komente të paqena ‘se më kanë blerë’ apo diçka të tillë, pasi nuk janë aspak të vërteta.

A e konfirmon posti juaj i ri, atë c’ka është dëgjuar më shpesh se keni qenë i njëanshëm gjatë kohës që ishit reporter për Shqipërinë?

E pranoj faktin që njerëzit kanë mendime të ndryshme, madje ka nga ata që mund të thonë që unë e kam gabim, kjo është diçka për të cilën unë mund të diskutoj me ta, të jap argumentet e mia, t’i bind madje, por këto akuza janë totalisht pa kuptim, nuk mund të më blejnë mua dhe këtë nuk e kam dëgjuar asnjëherë nga njerëz serioz, kështu që nuk më ndikojnë aspak fjalët e këtyre kritikëve, sepse janë totalisht të pavërteta. Mund të më thuash gjithçka për mua, që mund ta kem gabim por ‘të më blesh’ mua kjo është totalisht pa kuptim. Në asnjë mënyrë.

Sondazh

Article Logic
Execution time: 0.010803937911987
array(1) { ["section"]=> string(121) "knut-fleckestein-merr-detyren-si-keshilltar-i-rucit-flet-per-propozimin-e-kreut-te-kuvendit-dhe-akuzat-si-i-shitur-213561" }