KOKAINA REKORD e kapur në Durrës, reagon Presidenti Meta: Rreziku kryesor që i vjen sigurisë kombëtare (KËRKESA)

Publikuar tek: politike, më 14:07 28-02-2018 KOKAINA REKORD e kapur në Durrës, reagon Presidenti Meta: Rreziku kryesor që i vjen sigurisë kombëtare (KËRKESA)

Reagon Presidenti Ilir Meta për sasinë rekord të kokainës, prej 613 kg kapur mbrëmjen e djeshme në portin e Durrësit, brenda një kamioni me banane.

Meta përshëndet aksionin e policisë ndërsa thekson rrezikun kryesor që i vjen sigurisë kombëtare të vendit nga fuqizimi i krimit të organizuar dhe trafikut të drogës, kërkon thellim të mëtejshëm dhe intensifikim të bashkëpunimit të agjencive ligjzbatuese me partnerët ndërkombëtarë.

Nga ana tjetër, Presidenti kërkon rritje të kapaciteteve për forcimin e sigurisë së kufijve të vendit.

REAGIMI I PLOTË I METËS:

Presidenti i Republikës, Sh.T.Z Ilir Meta përshëndet aksionin e fundit të Policisë së Shtetit për kapjen e 613 kg kokainë në Portin e Durrësit.

Presidenti Meta duke theksuar rrezikun kryesor që i vjen sigurisë kombëtare të vendit nga fuqizimi i krimit të organizuar dhe trafikut të drogës, kërkon thellim të mëtejshëm dhe intensifikim të bashkëpunimit të agjencive ligjzbatuese me partnerët ndërkombëtarë.

Presidenti Meta përshëndet rolin e Anti-Mafias italiane dhe paralajmërimet e saj konsistente për rrezikun që i vjen, jo vetëm Shqipërisë dhe Italisë, por edhe rajonit, nga fuqizimi i krimit të organizuar.

Presidenti Meta thekson në mënyrë të përsëritur domosdoshmërinë për rritjen e kapaciteteve për forcimin e sigurisë së kufijve të vendit, veçanërisht të pikave të kalimit kufitar dhe inkurajon pastrimin e Policisë së Shtetit dhe gjithë agjencive ligjzbatuese nga elementët e inkriminuar, në funksion të përmbushjes me sukses të detyrimeve ligjore dhe kushtetuese.

Sondazh

Article Logic
Execution time: 0.006181001663208
array(1) { ["section"]=> string(115) "kokaina-rekord-e-kapur-ne-durres-reagon-presidenti-meta-rreziku-kryesor-qe-i-vjen-sigurise-kombetare-kerkesa-111754" }