Konfirmohen 20 raste të reja me koronavirus në Kosovë, shkon në 165 numri total i të prekurve

Publikuar tek: rajon, më 21:06 06-04-2020 Konfirmohen 20 raste të reja me koronavirus në Kosovë, shkon në 165 numri total i të prekurve

20 raste të reja me koronavirus janë konfirmuar në 24 orët e fundit në Kosovë, nga 129 mostra të testuara.

Instituti i Shëndetit në Kosovë njofton se, deri tani në janë konfirmuar 165 raste pozitive me koronavirus, janë shëruar 24 pacientë dhe kanë humbur jetën 3 të tjerë.

Njoftimi i plotë i IKSHPK-së:

Sot më 06.04.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 129 mostra të marra nga rastet e hospitalizuara në Klinikën Infektive dhe nga gjurmimi i kontakteve të rasteve në terren. Nga mostrat e marra për testim në virusin SARS-CoV-2, njëzet (20) prej tyre kanë rezultuar pozitive.

Sot më 06.04.2020, është i shëruar edhe (1) pacientë derisa numri i përgjithshëm i të shëruarve deri me sot është njëzet e katër (24).

Rastet pozitive janë raste kontakti,  pesëmbëdhjetë (15) prej të cilave janë me vendbanim në Banjë -Malishevë, dy (2 ) me vendbanim në Malishevë, një (1) me vendbanim në Bllace-Suharekë, një (1) me vendbanim në Drenas dhe një (1) me vendbanim në Prishtinë.

Nga data 08.02.2020 deri me 06.04.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 2.093 mostra të dyshimta në virusin SARS-CoV-2 dhe prej tyre, pozitive rezultojnë gjithsej 165 raste me 3 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 3.304 kontakte të rasteve.

Sondazh

Article Logic
Execution time: 0.010133981704712
array(1) { ["section"]=> string(99) "konfirmohen-20-raste-te-reja-me-koronavirus-ne-kosove-shkon-ne-165-numri-total-i-te-prekurve-201639" }