Krasniqi i përvishet Kryemadhit: Njoh shumë skandale, LSI rrezikon të mos ekzistojë më

Publikuar tek: politike, më 09:14 25-01-2018 Krasniqi i përvishet Kryemadhit: Njoh shumë skandale, LSI rrezikon të mos ekzistojë më

Analisti i njohur Afrim Krasniqi ka debatuar mbrëmë përballë kryetares së LSI, Monika Kryemadhit, teksa ishin të ftuar në emisionin “360 gradë”.

Analisti i është “përveshur” Kryemadhit duke e cilësuar LSI si forcë politike familjare. Sipas tij, nëse familja Meta vendos që një ditë të largohet nga kjo parti, atëherë LSI nuk do të ketë më arsye për të ekzistuar.

“LSI është parti e familjes Meta. Është parti e krijuar nga familja dhe e drejtuar nga familja, dhe nëse një ditë familja vendos të largohet, kjo parti nuk ekziston dhe nuk ka arsye të ekzistojë në jetën politike, sepse nuk ofron asgjë tjetër përveç familjes. E parë nga ky këndvështrim, mund të jetë i gabuar dhe mund të jetë perceptim, por unë futem te ata që e besojnë. LSI ka debat themelor se çfarë do të bëjë kur njeriu që e ka krijuar (Ilir Meta) bën si i pavarur dhe kur partia bën sikur është distancuar nga njeriu që realisht e drejton. Dhe e dyta, për ta vazhduar argumentin. Unë jam dakord që një numër i madh shqiptarësh po ikin. Ditët e Shqipërisë sot janë nga ditët më negative që ka patur. Nuk ka dilemë për këtë gjë. Unë nuk shoh demokraci. Problemi është që unë njoh shumë shqiptarë që kanë ikur për shkak të LSI-së. Unë njoh shumë skandale publike në Shqipëri që kanë ndodhur për shkak të partisë që nuk e keni drejtuar më përpara, por e drejtoni sot”, u shpreh Krasniqi. 

Sondazh

Article Logic
Execution time: 0.010471105575562
array(1) { ["section"]=> string(91) "krasniqi-i-pervishet-kryemadhit-njoh-shume-skandale-lsi-rrezikon-te-mos-ekzistoje-me-107833" }