Krasniqi: Protesta e studentëve 26 vite më parë ishte historike, gjithçka tjetër më pas ishte dhe mbetet imitim amator

Publikuar tek: aktualitet, më 13:36 19-02-2017 Krasniqi: Protesta e studentëve 26 vite më parë ishte historike, gjithçka tjetër më pas ishte dhe mbetet imitim amator

“Protesta e studentëve 26 vite më parë ishte historike, gjithçka tjetër më pas ishte dhe mbetet imitim amator dhe aktrim dublantësh i tyre”, kështu shkruan politologu Afrim Krasniqi i cili i quan imitime protestat në vijim.

Komenti i Afrim Krasniqit:

26 vjet më parë. Ishin 723 studentë e pedagogë që guxuan e rrezikuan kundër regjimit dhe establishmentit politik. Të gjithë, - parlamenti, qeveria, partitë e vjetra dhe të reja, drejtuesit e universitetit dhe media, - ishin kundër nismës së studentëve dhe sakrificës së tyre. Ata ia dolën.

Më pas u shpërndanë për të mos u bashkuar më kurrë. Siç ndodh gjithnjë në kohë përmbysjesh të mëdha, suksesin e tyre e morën të tjerët dhe ja ku jemi: nga vendi i shpresave të mëdha, i idealeve, i studentëve, i rinisë dhe kurajës qytetare në vendin e zhgënjimeve të mëdha, pa studentë, pa rini dhe pa ideale e kurajë qytetare, - të marrë peng nga establishmenti politik, i cili ashtu si më 1991, edhe sot, mendon më shumë për pushtetin sesa për interesin publik.

Respekt e mirënjohje miqve e kolegëve që patëm fatin të ishim ato ditë së bashku, kujtim e nderim për ata studentë që nuk jetojnë më dhe falënderim për ata qytetarë të Tiranës e sindikalistë që na mbështetën. Ato po, ishin ditë historike, gjithçka tjetër më pas ishte dhe mbetet imitim amator dhe aktrim dublantësh i tyre.

98009p.jpg8i9iop.jpg

Sondazh

Më shumë në këtë kategori: « Aksident i rëndë në Elbasan, 5 të plagosur nisen me urgjencë drejt spitalit
Kapja e 10 ton hashashi në Ankona, policia: Lajmi nuk është i vërtetë »
Article Logic
Execution time: 0.010960102081299
array(1) { ["section"]=> string(122) "krasniqi-protesta-e-studenteve-26-vite-me-pare-ishte-historike-gjithcka-tjeter-me-pas-ishte-dhe-mbetet-imitim-amator-69218" }