Krijimi i partisë, reagon për herë të parë Rudina Hajdari: Shqiptarëve u duhet një elitë e re politike (E PLOTË)

Publikuar tek: politike, më 11:40 22-04-2019 Krijimi i partisë, reagon për herë të parë Rudina Hajdari: Shqiptarëve u duhet një elitë e re politike (E PLOTË) Patozi-Hajdari

Reagon për herë të parë Rudina Hajdari pas lajmeve për krijimin e një partie të re të quajtur “Bindja Demokratike”, pjesë e së cilës u tha se do jenë edhe figurat e larguara nga PD, përfshirë Astrit Patozin.

 Hajdari, në reagimin e saj, as e pohon dhe as e mohon këtë lajm duke shtuar se shqiptarëve u duhet një elitë e re politike.

“Shqiptarëve u duhet "një elitë e re politike" dhe ne e konsiderojmë një obligim parësor, përgatitjen e një formule të përshtatshme përfaqësimi politik, në mënyrë që deputetët dhe të zgjedhurit t'i caktojnë qytetarët dhe jo kryetarët e partive. Ka shumë modele që mund ta realizojnë këtë qëllim, që nga sistemi i pastër mazhoritar, e deri tek ai proporcional kombëtar me lista të hapura nëpërmjet të cilave shpresojmë të nxjerrim jashtë të gjithë elementët e korruptuar që vijnë nga bota e krimit, që me drejtimin e mazhorancës qeverisëse, e kanë futur vendin në një drejtim pa shpresë dhe të ardhme”, shkruan vajza e Azem Hajdarit.

REAGIMI I PLOTË I RUDINA HAJDARIT:

Çdo moment ndjek me vëmëndje dhe ndjeshmëri, përpjekjet që bëhen për zhvillimin dhe prosperitetin e jetës politike në vend. Krijimin e çdo forumi të ri politik, e shikoj si një hapësirë më shumë, për demokratizimin e politikës dekadente që ka përfshirë vendin dhe gjithsecilit i uroj rrugëtim të mbarë dhe suksese në përpjekjet e tij.

Është e kuptueshme se Shqiptarët janë tejet të lodhur e të shqetësuar nga kjo politikë e mërzitshme dhe e dëmshme 28 vjeçare prandaj krijimi i një alternative të re, të vërtetë dhe shpresëdhënëse që ka për qëllim interesin publik,përfaqësimin qytetar dhe politik-bërje të re me standarte perëndimore do të ishte një iniciativë për t'u gëzuar.

Ajo që më bën përshtypje në kushtet e “psikiatrisë politike” ku jemi futur është fakti që personalisht, pa dhënë asnjë deklarim apo pa ndërmarrë asnjë iniciativë lidhur me këtë, më cilësojnë si kryesuse të një forumi të ri që po krijohet, por nga kontaktet që zhvilloj anë e mbanë vendit, dhe kudo ku ka shqiptarë të ndershëm, duke respektuar dhe festat e Pashkëve, nuk jam shprehur më parë.

Pak ditë më parë, në deklarimin që bëra në Parlament, shpreha vullnetin e grupit që kryesoj dhe ky do të mbetet angazhimi im kryesor. Natyrisht, në rrugëtimin që kemi nisur, prania e demokratëve të ndërshëm dhe gjithë atyre që aspirojnë një demokraci të vërtetë, do të jenë mbështetja e jonë.

Shqiptarëve u duhet "një elitë e re politike" dhe ne e konsiderojmë një obligim parësor, përgatitjen e një formule të përshtatshme përfaqësimi politik, në mënyrë që deputetët dhe të zgjedhurit t'i caktojnë qytetarët dhe jo kryetarët e partive. Ka shumë modele që mund ta realizojnë këtë qëllim, që nga sistemi i pastër mazhoritar, e deri tek ai proporcional kombëtar me lista të hapura nëpërmjet të cilave shpresojmë të nxjerrim jashtë të gjithë elementët e korruptuar që vijnë nga bota e krimit, që me drejtimin e mazhorancës qeverisëse, e kanë futur vendin në një drejtim pa shpresë dhe të ardhme.

Sondazh

Article Logic
Execution time: 0.047415971755981
array(1) { ["section"]=> string(115) "krijimi-i-partise-reagon-per-here-te-pare-rudina-hajdari-shqiptareve-u-duhet-nje-elite-e-re-politike-e-plote-161377" }