Krijuan skema mashtrimi me TVSH, arrestohen 4 persona në Tiranë, 4 të tjerë në kërkim

Publikuar tek: aktualitet, më 11:16 07-12-2019 Krijuan skema mashtrimi me TVSH, arrestohen 4 persona në Tiranë, 4 të tjerë në kërkim

Policia e Tiranës ka finalizuar operacionin e koduar ‘Informaliteti 2’.

Mësohet se janë vendosur masat e sigurisë ‘Arrest me burg’ për 4 shtetas, si dhe shpallen në kërkim 4 të tjerë.

Bëhet me dije se shtetasit me iniciale A. R., 46 vjeç, A. A., 61 vjeç, Dh. B., 48 vjeçe, dhe A. I., 41 vjeç, kanë krijuar skema mashtrimi me TVSH në turizëm, ndërtim, hidrokarbure, mallra të akcizës dhe krimeve të tjera mjedisore.

Njoftimi i policisë:

Ekzekutohen masat e sigurisë “Arrest me burg” për 4 shtetas, si dhe shpallen në kërkim 4 të tjerë.

Në vijim të planin të posaçëm të masave “Për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore”, Seksioni për Krimin Ekonomik dhe Financiar në bashkëpunim me Hetimin Tatimor finalizuan operacionin policor të koduar “Informaliteti 2”, në kuadër të të cilit u ekzekutuan masat e sigurisë “Arrest me burg” për shtetasit:

- A. R., 46 vjeç, A. A., 61 vjeç, Dh. B., 48 vjeçe, dhe A. I., 41 vjeç, banues në Tiranë.

Gjithashtu në kuadër të këtij operacioni janë shpallur në kërkim dhe 4 shtetas të tjerë, ku për arsye hetimore nuk bëjmë me dije të dhëna të tjera.

Materialet procedurale i kaluan Prokurorisë pranë Gjykatës së Shkallës së Parë, Tiranë, në ngarkim të shtetasve të mësipërm, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave”.

Sondazh

Article Logic
Execution time: 0.020037174224854
array(1) { ["section"]=> string(90) "krijuan-skema-mashtrimi-me-tvsh-arrestohen-4-persona-ne-tirane-4-te-tjere-ne-kerkim-188676" }