Krimet e Rënda nisin hetimet për fisin Balili, në ‘sitë’ pasuria e 40 personave

Publikuar tek: aktualitet, më 16:40 21-03-2017 Krimet e Rënda nisin hetimet për fisin Balili, në ‘sitë’ pasuria e 40 personave

Prokuroria për krime të rënda në bazë të ligjit “Antimafia” nis hetimin pasuror për rreth 40 pjesëtar të familjes së Klemend Balilit, i shpallur në kërkim si kreu i një organizate kriminale që merret me trafik droge.

ABC Neës ka mësuar se krahas hetimit penal për Balilin prokuroria tashmë ka nis hetimin pasuror ndaj tij dhe pjesëtarëve të afërm të familjes. Burimet thonë se veç Klemend Balilajt, prokuroria ka zgjeruar rrethin e personave që po hetohen në bazë të ligjit “antimafia”, duke fut në sitën e verifikimit edhe pjesëtar të tjerë të familjes së tij. Sipas akuzës, janë rreth 40 persona pasuria e të cilëve po verifikohet nga prokuroria për krime të rënda.

Këta të fundit, thonë burimet i janë drejtuar me shkresë zyrtare, Zyrës së Regjistrimit të pasurive të paluajtshme duke kërkuar evidentimin në mënyrë analitike për të gjithë pasurit e këtyre individëve. Veç Hipotekës, shkresat janë nisur edhe në adresë të të gjitha bankave të nivelit të dytë për të verifikuar llogarit bankare. Si dhe pranë qendrës së kombëtare të bizneseve, për aktivitetet tregtare që këta individ kanë të regjistruar në emër të tyre. Burimet thonë se disa nga bankat e nivelit të dytë kanë kthyer përgjigje për disa nga këta persona, por nuk jepen detaje për llogarit bankare dhe shumat që kanë në dispozicion. Ndërsa për Klemend Balilin t cilësuar si “Eskobari i Ballkanit”, burimet thonë se përgjigjet kanë ardhur thuajse nga të gjitha institucione, ku rezulton se nuk ka pasuri të regjistruar në emër të tij apo edhe llogari të majme bankare. Ai rezulton se ka në emër të tij vetëm një banesë në fshatin Stjar të Delvinës dhe një llogari bankare, ku merrte edhe rrogën e drejtorit të drejtorisë rajonale të transportit në Sarandë.

Nga ana tjetër, Klemend Balili, prej dhjetorit të vitit të kaluar është shpall në kërkim me vendim të gjykatës së krimeve të rënda që ka caktuar masën e sigurisë “arrest me burg” në mungesë. Për dhënien e informacionit të vendndodhjes së tij, policia ka ofruar edhe një shpërblim prej 50 mln lekësh. Ndërkohë, sipas dosjes hetimore, Klemend Balili dyshohet se është një nga organizatorët e rrjetit të trafikut të drogës, që për dy vite ka trafikuar në të gjithë vendet e BE-së rreth 3.8 ton hashash dhe 84 kg kokainë.

Sondazh

Më shumë në këtë kategori: « Në 2020-ën linjë hekurudhore Tiranë – Rinas – Durrës
Kërcënohet Parku Kombëtar Divjakë-Karavasta nga ndërtimi i resortit gjigant (Foto) »
Article Logic
Execution time: 0.010790824890137
array(1) { ["section"]=> string(82) "krimet-e-renda-nisin-hetimet-per-fisin-balili-ne-site-pasuria-e-40-personave-72677" }