Zbardhen detaje të reja mbi krimin e dysfishtë që ndodhi pak ditë më parë në fshatin Velçan të Pogradecit, ku burrë e grua u gjetën të vdekur.
Fillimisht u mendua se Fatbardha Torra kishte varë me një dru pas koke të shoqin Erzen Torra dhe më pas kishte vrarë veten. Por, me kthimin e babait të Erzenit nga Amerika dhe dëshminë e tij në polici, hetimet kanë devijuar. Sipas të atit, Avni Torra duke folur për “Gazetën Shqiptare”, çifti është vrarë nga një person tjetër, pikërisht një afërm i tyre. Dyshimet janë ngritur për shkak se çifti Torra kishte marrë para pak kohësh një shumë parashë, nga vetë Avniu, para të cilat mungojnë.
Po ashtu, edhe në xhepat e Erzen Torrës, nuk është gjetur portofoli dhe dokumentet e makinës. Pas dëshmive të marra nga familjarët dhe fqinjëve të viktimave, mësohet se ata nuk kanë pasur asnjëherë probleme dhe se shkonim mirë.
Trupat e pajetë u gjendën nga vëllai i Erzenit në një kasolle, afër banesës ku ata jetonin më 18 shkurt, si dhe kishin dy fëmijë të mitur.
