Kryetari i Kuvendit, Ilir Meta mesazh ngushëllimi homologut Urban Ahlin për sulmin në Suedi

Publikuar tek: politike, më 19:51 07-04-2017 Kryetari i Kuvendit, Ilir Meta mesazh ngushëllimi homologut Urban Ahlin për sulmin në Suedi

Kryetari i Kuvendit Ilir Meta i ka dërguar sot një mesazh ngushëllimi homologut të tij suedez Urban Ahlin, në reagim të sulmit të sotëm terrorist në qendrën tregtare të Stokholmit.

LETRA E PLOTE:

I dashur Urban, I nderuar Mik,

Jemi thellësisht të shokuar dhe të trishtuar nga sulmi terrorist sot në zonën tregtare Drottninggatan në Stockholm, prej të cilit vdiqën disa persona dhe shumë të tjerë janë plagosur. Lutjet dhe mendimet tona shkojnë për viktimat, të plagosurit, familjet e tyre dhe për të gjithë popullin e Suedisë.

Në emër të Kuvendit të Shqipërisë më lejoni t’ju përcjell ngushëllimet më të ndjera për familjet e viktimave dhe lutemi për shërim të shpejtë të të plagosurve nga ky sulm barbar.

Në këto momente të vështira qëndrojmë përkrah miqve tanë suedezë duke dënuar plotësisht akte të tilla të tmerrshme dhune dhe ofrojmë mbështetjen si dhe solidaritetin tonë të plotë ndaj popullit suedez, deputetëve të Riskdagut dhe autoriteteve tuaja.

Ju siguroj se populli shqiptar qëndron me vendosmëri përkrah popullit suedez kundër terrorizmit, ekstremizmit, në mbrojtje vigjilente të vlerave tona të përbashkëta demokratike.

Juaji,

Ilir META

Sondazh

Article Logic
Execution time: 0.023401975631714
array(1) { ["section"]=> string(96) "kryetari-i-kuvendit-ilir-meta-mesazh-ngushellimi-homologut-urban-ahlin-per-sulmin-ne-suedi-74447" }