Policia e Lezhës ka nisur një procedim penal ndaj kryetarit të komunës Zejmen. Arben Doci akuzohet për shpërdorim detyre, pasi ka dhënë me qera një tokë në pronësi të një shtetasi.
Procedimi penal ka filluar edhe për një përgjegjës të administrimit të tokës me inicialet M.V mbi të cilin rëndon gjithashtu akuza e shpërdorimit të detyrës.
Ky procedim nisi pas kallëzimit të një banori i cili i ka thënë policisë se zyrtarët, tokën me akt pronësie e ndanin me qera me njëri-tjetrin.
Pas verifikimeve policia ka ndjekur hapat ligjorë për t’i vënë ata para drejtësisë .
