Lirimi i kreut të bandës së Durrësit nga burgu, reagon Prokuroria e Krujës: Do të ankimojmë vendimin. Nuk plotësohen kushtet ligjore

Publikuar tek: aktualitet, më 16:32 14-01-2020 Lirimi i kreut të bandës së Durrësit nga burgu, reagon Prokuroria e Krujës: Do të ankimojmë vendimin. Nuk plotësohen kushtet ligjore

Pas lirimit nga burgu të ish-kreut të bandës së Durrësit, Endrit Dokle ka reaguar Prokuroria e Krujës, e cila shprehet se do të ankimoje vendimin e Gjykatës me arsyetimin se jo vetëm se nuk plotësohen kushtet ligjore të parashikuara nga neni 64 i Kodit Penal, por edhe se nuk ekzistojnë të provuara arsyet e veçanta që kërkon norma.

 Gjithashtu prokuroria ka kërkuar përjashtimin e gjyqtares së çëshjtes me arsyetimin se i njëjti trup gjykues ka dhënë vendime në favor të kërkuesit,  kërkesë e cila nuk është pranuar nga gjykata.

Dokle ishte dënuar me burgim të përjetshëm për disa vrasje dhe trafik ndërkombëtar të lëndëve narkotike. Ai ka kryer ¾ e dënimit dhe gjykata ia ka konvertuar dënimin përjetë në 25 vite burg.

Njoftimi i Prokurorisë së Krujës:

Njoftim  në lidhje me proçesin gjyqësor për kërkesën e të dënuarit Endrit Dokle.

Gjykata e Shkallës së Parë Krujë me vendimin nr. 6/123 datë 14.01.2020  vendosi : “Pranimin e kërkesës së kërkuesit Endrit Dokle. Lirimin me kusht të kërkuesit Endrit Dokle, i biri i Mensurit dhe i Rahimes datëlindja 31.12.1983, lindur në Kukës dhe banues në Tiranë, duke e vënë në provë për një periudhë  prej 5 (pesë)  vjetësh. Në zbatim të nenit 60 pika 9 të Kodit Penal detyrohet Endrit Dokle që gjatë kohës së provës të mos shoqërohet me persona të caktuar kryesisht me të dënuar apo bashkëpunëtorë të veprës penale. Në zbatim të nenit 60 pika 10 e Kodit Penal detyrohet kërkuesi Endrit Dokle që gjatë periudhës së provës të mos zotërojë, mbajë apo përdorë armë. Urdhërohet kërkuesi Endrit Dokle të mbajë kontakte me Shërbimin e Provës”.        

 Prokuroria Pranë Gjykatës së Shkallës së Parë Krujë ka qenë pjesmarrëse në këtë proçes dhe ka mbajtur qëndrimin e plotë për rrëzimin e kërkesës, me arsyetimin se jo vetëm se nuk plotësohen kushtet ligjore të parashikuara nga neni 64 i Kodit Penal, por edhe se nuk ekzistojnë të provuara arsyet e veçanta që kërkon norma. Gjithashtu prokuroria ka kërkuar përjashtimin e gjyqtares së çëshjtes me arsyetimin se i njëjti trup gjykues ka dhënë vendime  në favor të kërkuesit,  kërkesë e cila nuk është pranuar nga gjykata. Të gjitha kundërshtimet në lidhje me shkeljet proçedurale si dhe zbatim të gabuar të ligjit Prokuroria Pranë Gjykatës së Shkallës së Parë Krujë do ti parashtrojë në ankim brenda afatit ligjor.

Sondazh

Article Logic
Execution time: 0.02165699005127
array(1) { ["section"]=> string(136) "lirimi-i-kreut-te-bandes-se-durresit-nga-burgu-reagon-prokuroria-e-krujes-do-te-ankimojme-vendimin-nuk-plotesohen-kushtet-ligjore-192047" }