Loja Pokemon ‘’mpin’’ gazetarin në konferencë shtypi, zëdhënësi i Departamentit të Shtetit e vë në vështirësi (VIDEO)

Publikuar tek: bota, më 18:06 22-07-2016

''Pokemon'' edhe në Departamentin Amerikan të Shtetit. Loja që po merr përhapje masive ka ‘’mpirë’’ kësaj here gazetarin gjatë një konference shtypi të zëdhënësit.

Zëdhënësi, John Kirby ishte duke lexuar deklaratën për luftën kundër ISIS-it, por ndaloi papritur.

Gazetari as nuk e kishte mendjen të ajo që ishte duke thënë zyrtari, por ishte duke luajtur lojën e tij të preferuar.

‘’Je duke luajtur Pokemon, tani apo jo?’’, e ka pyetur Kirby në kohën që duhet të lexonte deklaratën.

‘’Thjesht po i hedh një sy’’, ka qenë përgjigja e gazetarit.

Pas disa sekondash, zëdhënësi nuk ka hezituar ta pyesë sërish nëse ka gjetur ndonjë.

‘’E gjete ndonjë?’’, e ka pyetur Kirby reporterin.

‘’Jo, sinjali nuk ishte shumë i mirë’’, është përgjigjur shkujdesur reporteri.

‘’Më vjen keq për këtë’’, i ka kërkuar ndjesë zëdhënësi, reporterit.

''Pokemon Go'' është  bazuar në filmin e famshëm vizatimor me të njëjtin emër. Qëllimi i lojës është që me anë të smartfonit përdoruesit të kapin sa më shumë krijesa të cilat gjenden në çdo cep të qytetit, në dyqane, parqe, buzë liqeneve apo ndërtesa publike.

Kjo ka bërë që miliona njerëz të dalin në rrugë me telefonin përara syve, disa me këmbë apo automjet, të gjithë duke tentuar të kapin krijesat.

Situata është aq komike sa që njerëz të ndryshëm raportojnë për lëvizje të dyshimta pranë pronave të tyre. Dhjetëra të tjerë përplasen në parqe në mbarë botën, duke luajtur lojën.

Sondazh

Article Logic
Execution time: 0.040930032730103
array(1) { ["section"]=> string(116) "loja-pokemon-mpin-gazetarin-ne-konference-shtypi-zedhenesi-i-departamentit-te-shtetit-e-ve-ne-veshtiresi-video-47451" }