Luftë e pamëshirshme Clinton-Trump në sprintin final

Publikuar tek: bota, më 20:46 02-11-2016 Luftë e pamëshirshme Clinton-Trump në sprintin final

Në garën e fundit drejt finishit, në një proces zgjedhor ende me pikëpyetje, lufta e pamëshirshme midis Hillary Clintonit dhe Donald Trumpit u ashpërsua edhe më shumë sot në sfondin e sulmeve personale të një dhune të rrallë deri në akuza të përsëritura për mungesë kompetencash.

Sërish e dobësuar nga çështja e e-mail-eve, kandidatja demokrate ka kaluar në ofensivë kundër rivalit të tij republikan duke përveshur mëngët dhe duke e akuzuar se e ka kaluar jetën e tij duke denigruar, poshtëruar, fyer apo sulmuar gratë.

“Ai dëshmoi se nuk ka as temperamentin dhe cilësitë për të qenë president”, u shpreh Clinton, që mund të zgjidhet e para grua presidente e SHBA-së në përfundim të zgjedhjeve të martën e ardhshme.

Donald Trump, 70 vjeç, nuk mbetet pas dhe pretendon se kundërshtarja e tij demokrate, e cilësuar prej muajsh si “gënjeshtare” dhe e “korruptuar” mishëron “një të kaluar të errët” të Amerikës.

”Ne jemi e ardhmja e ndritur dhe e pastër”, pohoi miliarderi.

Stafi i tij i fushatës elektorale akuzoi sërish sot Clintonin se po vendos në plan të parë intersat e saj financiare përpara ato të amerikanëve dhe në takimet e tij të shumta bën thirrje për ta vënë rivalen e tij “pas hekurave”.

Roli i dyshimtë i FBI-së

Kjo klimë e paprecedentë helmuese në një fushatë elektorale në SHBA vijon të jetë e elektrizuar nga roli i dyshimtë i FBI-së dhe nga rrjedhja e informacioneve në media apo në web-in Wikileaks që nuk reshtin së trondituri fushatën.

Kreu i FBI-së, James Comey tashmë në situatë të sikletshme, pasi vendosi të rihapë hetimin në lidhje me serverin privat të Clinton kur ishte në krye të Departamentit të Shtetit (2009-2013) është akuzuar nga kampi demokrat se po kalon në heshtje “lidhjet” e dyshuara të Donald Trump me Rusinë.

Pasiguri në tregje

Hillary Clinton që zhvendoset sot në territoret republikane në pjesën jugperëndimore (Nevada, Arizona) duhet sërish që më shumë të sulmojë miliarderin në lidhje me taktikat e shmangies së taksave sesa të përpiqet të bashkojë komunitetin latino-amerikan që mbetet vendimtar në zgjedhjet e 8 nëntorit.

Kandidatja aspiron gjithashtu në mbështetjen e presidentit Barack Obama, sot i pranishëm në Raleigh (Karolinë e Veriut) për të ofruar mbështetjen e tij ndaj ish-sekretares së Shtetit.

Donald Trump do të jetë i fokusuar në një seri takimesh në Florida, një nga shtetet kyç në zgjedhje me 29 vota elektorale.

Për t’u shpallur fitues në 8 nëntor, një nga dy kandidatët për Shtëpinë e Bardhë duhet të mbledhë së paku 270 vota elektorale në Kolegjin Zgjedhor të ndara mes 50 shteteve amerikane.

Diferenca është mjaft e ngushtë në disa shtete kyçe, duke përfshirë Karolinën e Veriut, ndërsa Trump është pozicionuar në krye në Ohajo dhe Arizona, sipas mesatares së sondazheve të fundit.

Pasiguria e vazhdueshme në lidhje me rezultatin e zgjedhjeve është rishfaqur sot në tregjet kryesore botërore që i tremben më së shumti fitores së paparashikueshme të Trump në Shtëpinë e Bardhë. (Ata)

Sondazh

Më shumë në këtë kategori: « Erdogan: Turqia nuk do të lejojë formimin e një shteti terrorist
Tjetër tërmet në Itali, banorët në panik kalojnë sërish natën jashtë »
Article Logic
Execution time: 0.010564088821411
array(1) { ["section"]=> string(58) "lufte-e-pameshirshme-clinton-trump-ne-sprintin-final-58234" }