‘Lulet e Pranverës’, ambasada italiane përgëzon policinë për rezultatet e operacionit

Publikuar tek: aktualitet, më 19:46 12-02-2019 ‘Lulet e Pranverës’, ambasada italiane përgëzon policinë për rezultatet e operacionit

Ambasada Italiane në Tiranë  ka reaguar në lidhje me rezultatet e operacionit "Lulet e Pranverës" të Skuadrës së parë Hetimore të Përbashkët krijuar mes Autoriteteve gjyqësore të Italisë dhe Shqipërisë.

Ambasada shpreh kënaqësinë e madhe për rezultatet e shkëlqyera të arritura për identifikimin dhe kapjen e anëtarëve të katër grupeve të veçanta kriminale italo-shqiptare.

Ambasadori i Italisë, Alberto Cutillo ka deklaruar se fuqizimi i bashkëpunimit dypalësh dhe atij ndërkombëtar rezulton të jetë mjeti më efikas në arritjen e këtyre rezultateve.

Njoftimi i plotë i Ambasadës Italiane:

Ambasada e Italisë në Tiranë shpreh kënaqësinë e madhe për rezultatet e shkëlqyera të arritura në operacionin "Lulet e Pranverës" të Skuadrës së parë Hetimore të Përbashkët (S.I.C.) e krijuar mes Autoriteteve gjyqësore të Italisë dhe Shqipërisë.

Hetimet e kryera së bashku për pothuaj dy vjet bënë të mundur identifikimin dhe kapjen e anëtarëve të katër grupeve të veçanta kriminale italo-shqiptare, baza operative e të cilave ndodhej në Leçe me degëzime në Qarqe të tjera të Italisë dhe që merreshin me trafik ndërkombëtar të lëndëve narkotike dhe mbajtje dhe futje në territorin kombëtar të armëve dhe municioneve luftarake.

Operacioni, i bashkërenduar nga Drejtoria Kombëtare e Antimafias dhe nga Drejtoria Antimafia e Rrethit në Leçe çoi në arrestimin e 11 personave në Itali dhe të 6 personave në Shqipëri.

Ambasadori i Italisë, Alberto Cutillo, lidhur me këtë deklaron: "Bashkëpunimi gjyqësor dhe ai i policisë mes Italisë dhe Shqipërisë ka çuar në arritjen e rezultateve të jashtëzakonshme në luftën ndaj krimit të organizuar. Arrestimet e kësaj mbrëmjeje janë një rezultat i rëndësishëm i arritur falë punës së përbashkët të kryer nga Skuadra e parë Hetimore e Përbashkët që i ka mundësuar magjistraturës dhe policisë italiane dhe asaj shqiptare të punojnë sëbashku. Fuqizimi i bashkëpunimit dypalësh dhe atij ndërkombëtar rezulton të jetë mjeti më efikas në arritjen e këtyre rezultateve".

Sondazh

Article Logic
Execution time: 0.0045750141143799
array(1) { ["section"]=> string(89) "lulet-e-pranveres-ambasada-italiane-pergezon-policine-per-rezultatet-e-operacionit-152535" }