“Marrëveshja e detit e finalizuar”, reagon ish-ministri: Propagandë e fëlliqur. Ja çfarë duhet të bëjë Meta

Publikuar tek: politike, më 13:51 18-02-2018 “Marrëveshja e detit e finalizuar”, reagon ish-ministri: Propagandë e fëlliqur. Ja çfarë duhet të bëjë Meta

Kryeministri grek ka deklaruar se “marrëveshja e detit me Shqipëinë është finalizuar”. Nisur nga kjo deklaratë e Tsipras ka reaguar ish-ministri i Drejtësisë Ylli Manjani.

‘Në këto kushte, Presidenti i Republikës nuk duhet të bëhet pjesë e kësaj poshtërsie shtetërore! Le të thotë çfarë të dojë propaganda e fëlliqur e qeverisë moniste!”, shprehet ndër të tjera Manjani.

Reagimi i plotë:

Sipas qeverisë Greke marrëveshja e detit paska mbaruar.

Ne nuk dimë asgjë!

Po pse kërkon plotfuqishmëri qeveria tek Presidenti?! Ajo paska mbaruar punë!!!

Ka mbaruar një punë, një dreq e di se si! Ka mbaruar punë në kundërshtim të plotë me vendimin e Gjykatës Kushtetuese që vetë e kërkoi kur ishte në opozitë!

Gjykata Kushtetuese mandaton Presidentin e Republikës të drejtojë negociatat dhe jo Ministrin e Jashtëm! As Kryeministrin!

Duhet të kishin marrë një mandat nga Presidenti që të negocionin! Kështu thotë Gjykata Kushtetuese. Por nuk e kanë bërë!!!

Presidenti i Republikës është vënë në dijeni vetëm para pak ditësh, fare thatë me një letër që nuk thotë asgjë! Nuk propozon as emrat e negociatorëve madje!!!

Që këta nuk pyesin për Kushtetutë e ligje, kjo u pa! Por pse bëjnë teatër kot!

Ta zbardhin atë marrëveshje, ta kalojnë në qeverinë dhe Kuvendin e tyre mono-partiak, siç kalojnë koncensionet dhe kaq!

Në këto kushte, Presidenti i Republikës nuk duhet të bëhet pjesë e kësaj poshtërsie shtetërore!

Le të thotë çfarë të dojë propaganda e fëlliqur e qeverisë moniste!

Këto janë marrëveshje që duhen denoncuar dhe jo miratuar e ratifikuar!

Mirë është ta dinë edhe Grekët se deri më tani kanë biseduar me autoritete të pa mandatuara! Kanë biseduar me zyrtarë që kanë shkelur Kushtetutën e vendit të tyre!

Ndaj ai produkt e ka vlerën ligjore 0!

Sondazh

Article Logic
Execution time: 0.0105299949646
array(1) { ["section"]=> string(109) "marreveshja-e-detit-e-finalizuar-reagon-ish-ministri-propagande-e-felliqur-ja-cfare-duhet-te-beje-meta-110663" }