Mashtroi italianin duke i marrë makinën, arrestohet 27-vjeçari në Tiranë (Çfarë iu gjet në Alfa Romeon e vjedhur-VIDEO)

Publikuar tek: aktualitet, më 10:51 24-06-2019 Mashtroi italianin duke i marrë makinën, arrestohet 27-vjeçari në Tiranë (Çfarë iu gjet në Alfa Romeon e vjedhur-VIDEO)

Policia e Tiranës ka arrestuar një 27-vjeçar, i identifikuar si Endrit Sina pasi qarkullonte me armë zjarri pa leje dhe me makinë të vjedhur.

Burime nga policia bëjnë të ditur se shërbimet e Komisariatit të Policisë Nr. 2, pas marrjes së kallëzimit nga një shtetas italian, se nëpërmjet mashtrimit shtetasi E. P, i kishte marrë automjetin Alfa Romeo dhe nuk ia kishte kthyer më, organizuan punën për gjetjen e automjetit.

Si rezultat i punës dhe informacioneve të grumbulluara, në rrugën “Bilal Golemi” shërbimet e Policisë kanë konstatuar automjetin, ku dhe kanë ndërhyrë menjëherë për të bërë bllokimin.

Drejtuesi i automjetit ka tentuar të largohet, por nuk ka mundur dot dhe menjëherë ka hedhur nga automjeti një armë zjarri Pistoletë "TT".

Policia ka bërë arrestimin në flagrancë për veprën penale “Prodhimi dhe mbajtja pa leje e armëve luftarake dhe e municionit”, të shtetasit E.S, 27 vjeç, banues në Tiranë, i dënuar më parë për “Vrasja” mbetur në tentativë.

Gjithashtu është bërë shpallja në kërkim për veprën penale “Mashtrimi” e shtetasit E. P 40 vjeç, banues në Tiranë, i dënuar më parë për të njënjtën vepër penale, pasi ky shtetas ka mashtruar shtetasin italian duke i marrë makinën dhe ja ka shitur shtetasit E.S.

Në cilësinë e provës materiale është sekuestruar arma e zjarrit së bashku me një karikator me fishekë si dhe automjeti në pronësi të shtetasit italian.

Materialet i kaluan Prokurorise së Rrethit Gjyqësor Tiranë, për veprime të mëtejshme.

Sondazh

Article Logic
Execution time: 0.059633016586304
array(1) { ["section"]=> string(123) "mashtroi-italianin-duke-i-marre-makinen-arrestohet-27-vjecari-ne-tirane-cfare-iu-gjet-ne-alfa-romeon-e-vjedhur-video-169497" }