Meta nga njësia 10 e Tiranës, ky është mesazhi i kryetarit të LSI në takimin me të rinjtë

Publikuar tek: aktualitet, më 12:12 26-04-2017 Meta nga njësia 10 e Tiranës, ky është mesazhi i kryetarit të LSI në takimin me të rinjtë

Kryetari i Lëvizjes Socialiste për Integrim, Ilir Meta, mori pjesë në një takim me të rinjtë e LRI-së në një Njësinë administrative nr. 10 në Tiranë. Të pranishëm ishin edhe kryetarja e LRI-së, Floida Kërpaçi, Kryetari i LSI-së Tiranë, Endrit Braimllari, deputetja e LSI-së, Kejdi Mehmetaj, etj.

Duke iu drejtuar të rinjve, Ilir Meta u shpreh se suksesi më i madh është që ëndrrën ta realizojnë në vendin e tyre dhe të ndryshojnë të ardhmen e vendit, familjes, të komunitetit dhe shoqërisë.

“Nuk ka forcë më të madhe se sa kur rinia e kupton se çfarë përfaqëson, e kupton që vetëm e bashkuar mund të jetë ajo fuqi ndryshimi që garanton të ardhmen e saj, por edhe të familjeve të gjithë të rinjve dhe të rejave, të familjeve që keni sot, por edhe të familjeve që do të krijoni nesër”, - deklaroi Kryetari i LSI-së, duke shprehur bindjen se përqendrimi në çështjet dhe tematikat që u interesojnë më shumë të rinjve si edhe edukimi i duhur do të sjellin në të ardhmen vende pune më të mirëpaguara .

“Një edukim më i mirë do të thotë edhe një punë më e mirëpaguar, do të thotë edhe një mundësi edhe për të përballuar kostot e jetesës që në Tiranë janë më të larta se në rajone të tjera të vendit. Do të thotë edhe një familje e lumtur, do të thotë edhe një perspektivë për të krijuar familje të lumtura dhe të shëndetshme në të ardhmen”, - tha Meta.

Gjithashtu, Kryetar i LSI-së e vlerësoi LRI-në si një model të ri në gjithë politikën shqiptare dhe një model frymëzues për të gjithë organizatat e tjera rinore.

Ndërsa, Kryetari i LSI-së Tiranë, Endrit Braimllari, njëherësh Sekretar i Përgjithshëm i LSI-së, tha Shqipëria ka nevojë për një politikë që vihet në shërbim të qytetarëve.

“Qytetarët e Tiranës edhe Shqipëria kanë nevojë për një politikë realiste, kanë nevojë për një politikë të prekshme, që është e drejtpërdrejtë në shërbim të qytetarëve. Politika jonë është shumë e qartë, vende pune të mirëpaguara për të përballuar koston e jetesës. LSI është pranë qytetarëve dhe duke qenë pranë qytetarëve kupton vërtet hallet dhe shqetësimet që kanë banorët e Tiranës”, - theksoi Braimllari.

meta1.jpg

meta2.jpg

Sondazh

Më shumë në këtë kategori: « Kujdes, mbroni fëmijët tuaj nga këto produkte që shiten “ditën për diell” në Tiranë! Prindi denoncon zbulimin e tmerrshëm (FOTO)
“Furtuna” në Policinë e Shtetit, ikin 11 drejtorë, Vetëm një mbetet i “palëkundur” (LISTA E PLOTË) »
Article Logic
Execution time: 0.010987043380737
array(1) { ["section"]=> string(94) "meta-nga-njesia-10-e-tiranes-ky-eshte-mesazhi-i-kryetarit-te-lsi-ne-takimin-me-te-rinjte-76504" }