Meta shuan shpresat për një tryezë mes palëve, mesazh të fortë ambasadorëve: Nuk shkel Kushtetutën

Publikuar tek: politike, më 11:17 22-05-2019 Meta shuan shpresat për një tryezë mes palëve, mesazh të fortë ambasadorëve: Nuk shkel Kushtetutën Ilir Meta, President

Presidenti Ilir Meta sot në konferencën për sfidat e sigurisë është shprehur tejet i shqetësuar për situatën aktuale politike.

Meta ‘preu shpresat’ për të ulur në tavolinë palët duke thënë se njëra palë nuk kërkon të ulet me kryeministrin dhe tjetra trumbeton zgjedhje demokratike më 30 qersëhor, referuar kështu Bashës me Kryemadhin dhe kryeministrit Rama. Ndërkaq, Presidenti i dërgoi një mesazh të fortë diplomatëve e ambasadorëve duke thënë se duhet ta kenë të qartë, se kushtetuta e vendit, nuk shkelet.

‘Ne duhet t’i bëjmë të qartë kujdo se kushtetutën tonë nuk mund ta shkelim, kushdo qoftë, as presidenti që ka vënë dorën mbi kushtetutë, asnjë diplomat, asnjë ambasador, askush tjetër.

I kam thënë zotit Danielson, ne jemi në një situatë të tillë, kemi kaq kohë pa gjykatë Kushtetuese. Unë nuk di ç’përgjigje të jap kur do kemi gjykatë kushtetuese, prandaj i kam thënë sillni një komision vlerësimi të reformës në mënyrë që të garantojmë që ky është një sukses, se përmes reformës do jemi më të besueshëm.

Unë dëgjoj ca histori që thonë: Ç’a bën Presidenti i Republikës? Presidenti ka bërë dhe bën maksimumin me përgjegjësinë e tij duke respektuar Kushtetutën. Presidenti nuk mund të ulë në tavolinë dy tre njerëz që thonë ne nuk ulemi me këtë se është kryeministër apo dikë tjetër që thotë se 30 qershori do jetë ditë e madhe për demokracinë në këtë situatë që jemi. Kjo situatë kërkon përgjegjësi, paanësi dhe kërkon të kemi parasysh se nuk na ndikon në perspektivën që kemi’, u shpreh me tone revolte Meta.

Sondazh

Article Logic
Execution time: 0.028656005859375
array(1) { ["section"]=> string(103) "meta-shuan-shpresat-per-nje-tryeze-mes-paleve-mesazh-te-forte-ambasadoreve-nuk-shkel-kushtetuten-165250" }