Ministri i Brendshëm Dritan Demiraj ndërhyn në aksionin e Prokurorisë: "Ktheji shpejt, urgjent!" Del VIDEO-PËRGJIMI

Publikuar tek: aktualitet, më 15:19 30-05-2017 Ministri i Brendshëm Dritan Demiraj ndërhyn në aksionin e Prokurorisë:

Ministri i Brendshëm teknik, Dritan Demiraj jashtë çdo kompetence ligjore ndërhyn në hetimet e proklurorisë dhe nuk lejon oficerët e Policisë Gjyqësore të bëjnë punën.

Demiraj është filmuar duke penguar oficerët të sekuestrojnë disa prozhektorë, që dyshohet se kanë shkaktuar helmimin e dhjetëra personave, të shtunën, në mitingun e të Partisë Demokratike, në bulevardin  “Dëshmorët e Kombit”.

Demiraj guxon të dalë mbi organin e hetimit të Prokurorisë duke dhënë një argument qesharak: Prozhektorët i duhen kompanisë për aktivitetin e një subjekti politik. 

Ministri Demiraj: Janë për fushatë nesër.

Oficeri: Po dakord që janë për fushatë, por.

Ministri Demiraj: Ktheji të gjitha mbrapa. Merrni vetëm 1 dhe vazhdo procedurën konform ligjit. Dakord? Jo të 12-ta.

Oficeri: 11 kam unë këtu, aq sa kanë qenë në miting.

Ministri Demiraj: Po pra, por s’mund t’i marrësh të 11-ta se nesër ka miting subjekti politik. Ne nuk jemi këtu për të penguar subjektet politike.

Oficeri:Jo mo shef, se as e vë në diskutim fare unë këtë…

Ministri Demiraj: Të marrësh vetëm 1. Të tjerat… merre, 1 dhe bëje hetimin.

Kush i ka ngarkuar ata? Ktheji mbrapsht! Ku është ai i zoti i kësaj? Ke nesër aktivitet politik?

Përfaqësuesi i kompanisë: Po

Ministri Demiraj: Ku e ke?

Përfaqësuesi i kompanisë: Po s’e di, se na u ndërpre e gjithë procedura nga kjo punë

Ministri Demiraj: Kjo s’ka sens mo… O çuna, kjo s’ka sens. Si merren 12 drita të objektit, të firmës që ka aktivitetin për subjektin

Sipas Ministrit, Prokurorisë nuk i duhet të hetojë mbi të 12 prozhentorët, por i mjafton vetëm një.

Ministri Demiraj: Atë nuk është se… duhen të 12 –ta për të bërë hetim. Hetimi bëhet mbi 1 dhe dilet në konkluzion. Ajo nuk është armë që ka qëlluar dhe duhen 12 armë.

Oficeri i policisë gjyqësore tenton t’i shpjegojë se kështu ka vendosur prokurori që kryeson hetimet. Por Demiraj i kërkon të mos e zbatojë vendimin e prokurorit dhe e urdhëron t’i kthejë prozhektorët e sekuestruar. O shef, ne kështu na kanë thënë…

Ministri Demiraj: Kthejini shpejt, shpejt. Urgjent! Kthejini mbrapa, vetëm 1 do merrni.


Video-pergjimi by newsbomb-al

Sondazh

Më shumë në këtë kategori: « Helmimi masiv në mitingun e PD, Prokuroria kërkon asistencën e Gjermanisë për analizat
Mungesa e Këshillit Studentor çon në protestë studentët e Mjekësisë »
Article Logic
Execution time: 0.01165509223938
array(1) { ["section"]=> string(116) "ministri-i-brendshem-dritan-demiraj-nderhyn-ne-aksionin-e-prokurorise-ktheji-shpejt-urgjent-del-video-pergjimi-80537" }