Ministrja e Arsimit: 1 mijë mësues shtesë për të përballuar nevojat gjatë pandemisë

Publikuar tek: aktualitet, më 18:08 30-09-2020 Ministrja e Arsimit: 1 mijë mësues shtesë për të përballuar nevojat gjatë pandemisë

Ditën e sotme Këshilli i Ministrave ka vendosur që 1 mijë mësues shtesë të vendosen për të përballuar nevojat gjatë pandemisë në vitin shkollor 2020-2021.

Lajmin e ka bërë me dije ministrja e Arsimit, Evis Kushi me anë të një postimi në rrjetet sociale.

“1,000 mësues shtesë për të përballuar nevojat për punonjës arsimorë gjatë periudhës së pandemisë në vitin shkollor 2020-2021, u miratua sot me vendim të Këshillit të Ministrave.

Me këtë lajm e nisa sot takimin me drejtuesit e drejtorive rajonale dhe zyrave vendore arsimore, me të cilët diskutuam mbi mbarëvajtjen e vitit të ri shkollor 2020-2021 dhe zgjidhjen e shqetësimeve të shfaqura gjatë kësaj periudhe. Në këtë kuadër, i falënderova për përballimin me sukses të nisjes së vitit të ri shkollor dhe kërkova që akoma me më tepër përkushtim të mbajnë në vëmendje maksimale respektimin e masave anti-COVID në çdo institucion arsimor, si dhe të shtojnë përpjekjet dhe inspektimet në terren në mënyrë që të garantohet se #rregullat zbatohen nga të gjithë.

Sa më rigorozë që të jemi në këtë aspekt, aq më e lehtë do të bëhet edhe sfida jonë e përbashkët për të kujdesur për shëndetin e nxënësve, mësuesve, prindërve e kujtdo tjetër, dhe njëkohësisht të sigurojmë mbarëvajtjen e procesit mësimor në këtë vit jo të lehtë shkollor,” shkruan Kushi në postimin e saj.

Sondazh

Article Logic
Execution time: 0.010962963104248
array(1) { ["section"]=> string(89) "ministrja-e-arsimit-1-mije-mesues-shtese-per-te-perballuar-nevojat-gjate-pandemise-222245" }