Monika Kryemadhi kujton tërmetin tragjik: Një vit më parë zemrat tona u ndanë më dysh, Rilindja sot i ka lënë rrugëve ata fëmijët që mbijetuan

Publikuar tek: politike, më 11:22 26-11-2020 Monika Kryemadhi kujton tërmetin tragjik: Një vit më parë zemrat tona u ndanë më dysh, Rilindja sot i ka lënë rrugëve ata fëmijët që mbijetuan Monika Kryemadhi

Kryetarja e LSI Monika Kryemadhi kujton tërmetin tragjik të 26 Nëntorit, për të cilin shkruan se sot pas 1 viti Rilindja ka lënë rrugëve dhe pa zgjidhje fëmijët që i mbijetuan lëkundjeve të forta.

“Lëkundjet e tokës, treguan për të gjithë, Shqipërinë përtej fasadës së Rilindjes. Pas tyre, Shqipëria pati një përballje katastrofike me krizën që la pas tërmeti. Ende sot, 1 vit nga ngjarja tragjike, familjeve që i mbijetuan tërmeteve nuk iu është mundësuar një strehim i sigurtë por janë lënë në mes të rrugëve, pa zgjidhje. Ndërsa ekonomia dhe papunësia vazhdon përkeqësimin, shqiptarët vazhdojnë emigrimin”, shkruan Kryemadhi.

Shkrimi i plotë:

Një vit më parë, zemrat tona u ndanë më dysh prej tërmetit që tronditi themelet e Shqipërisë, duke rezultuar në humbjen e jetëve të 51 qytetarëve tanë. Solidariteti vëllazëror mes shqiptarëve dhe mbështetja e miqve të huaj na mundësoi të qëndronim në këmbë gjatë atyre momenteve shumë kritike pasigurie për familjet shqiptare, për ekonominë shqiptare, për biznesin dhe punonjësit.

Lëkundjet e tokës, treguan për të gjithë, Shqipërinë përtej fasadës së Rilindjes. Pas tyre, Shqipëria pati një përballje katastrofike me krizën që la pas tërmeti. Ende sot, 1 vit nga ngjarja tragjike, familjeve që i mbijetuan tërmeteve nuk iu është mundësuar një strehim i sigurtë por janë lënë në mes të rrugëve, pa zgjidhje. Ndërsa ekonomia dhe papunësia vazhdon përkeqësimin, shqiptarët vazhdojnë emigrimin.

Rindërtimi nuk duhet të përdoret nga qeveria si një program propagande. Krizat kërkojnë lidership të përgjegjshëm në drejtim, që nuk nxit probleme por zgjidh probleme. Ka nevojë për drejtues që të kenë ndjeshmëri ndaj qytetarëve dhe vizion bashkimi për zgjidhjen sa më të shpejtë dhe të plotë të krizave, të problemeve ekonomike dhe sociale që ato shkaktojnë.

Shqipëria dhe shqiptarët kanë nevojë për një qeveri që punon për të gjithë, jo vetëm për ata të lidhur me të.

Sondazh

Më shumë në këtë kategori: « Pamjet nga morgu, Spiropali i kthehet opozitës: Të vdekurit nuk fshihen, se s’janë as kaseta e as filimime si të 21 Janarit
Një vit pas tërmetit, Varhelyi publikon pamjet: Rindërtimi ndjek parimet e llogaridhënies dhe transparencës »
Article Logic
Execution time: 0.0048089027404785
array(1) { ["section"]=> string(147) "monika-kryemadhi-kujton-termetin-tragjik-nje-vit-me-pare-zemrat-tona-u-ndane-me-dysh-rilindja-sot-i-ka-lene-rrugeve-ata-femijet-qe-mbijetuan-229174" }