Monika Kryemadhi për banorët e Astirit: Ju jap fjalën e zemrës me dashurinë e nënës, do merrni kompensimin e plotë (MESAZHI I PLOTË)

Publikuar tek: aktualitet, më 15:50 12-11-2019 Monika Kryemadhi për banorët e Astirit: Ju jap fjalën e zemrës me dashurinë e nënës, do merrni kompensimin e plotë (MESAZHI I PLOTË)

Kryetarja e LSI, Monika Kryemadhi ka reaguar mbi situatën e sotme tek ‘Astiri’ ku të plagosur mnetën 7 qytetarë.

Përmes një statusi në ‘Facebook’, ajo shprehet se dhuna shtetërore e ushtruar sot është dëshmia e radhës së pushtetit të Edi Ramës në ortakëri me korrupsionin.

Sipas Kryemadhit, skena e krimit, e urdhëruar nga i Rama, parathotë fundin e tij të pashmangshëm, që do të jetë i njëjtë me fundin që meritojnë të gjithë ata që i kundërvihen popullit të tyre.

Më tej, kryetarja e LSI deklaron se retorika e Ramës për ‘Drejtësinë e Re’ është një mashtrim, pasi drejtësia atij i duhet për të mbrojtur krimet.

Statusi i plotë:

Dhuna shtetërore e ushtruar sot në mëngjes me të gjithë barbarinë antinjerëzore e në tejkalim të plotë të kompetencave të ligjit ndaj banorëve të Unazës së Re, është dëshmia e radhës së pushtetit të Edi Ramës në ortakëri me krimin dhe korrupsionin, është prova e qartë se makineria qeverisëse është vënë në shërbim të klaneve kriminale, për interes të të cilave nuk kursen as dhunën ndaj qytetarëve, ndaj grave e fëmijëve të pa mbrojtur, ndaj të moshuarve dhe gjithë të tjerëve pa dallim.

Është gjithashtu edhe treguesi më i qartë se e gjithë retorika e tij për “Drejtësinë e Re” është një mashtrim, pasi drejtësia atij i duhet për të mbrojtur krimet dhe korrupsionin, ndërsa për qytetarët e pa mbrojtur dhe në nevojë ka zgjedhur dhunën dhe paligjshmërinë.

Po ndërkaq, skena e krimit, e ideuar dhe urdhëruar nga Edi Rama, parathotë fundin e tij të pashmangshëm, që do të jetë i njëjtë me fundin që meritojnë të gjithë ata që i kundërvihen popullit të tyre, të gjithë ata që u shërbejnë interesave të krimit në dëm të interesave kombëtare.

Dhimbja dhe lotët e nënave dhe fëmijëve që mbetën pa shtëpi dhe e baballarëve të dhunuar në sy të fëmijëve, për të ushqyer metastazat kanceroze të korrupsionit dhe krimit të maxhorancës së votave të vjedhura nga bandat e krimit, do të bëhen shumë shpejt, mallkimi dhe ndëshkimi mbi Edi Ramën dhe bandën e tij të pushtetit!

Në solidaritet të plotë me banorët e Unazës së Re, ju jap fjalën e zemrës me gjithë dashurinë e nënës, por edhe si Kryetare e LSI-së, se do të marrin një më një të gjithë kompensimin për dëmin e shkaktuar dhe se Edi Rama dhe e gjithë banda e tij do të përgjigjen para drejtësisë së ligjit!

Sondazh

Article Logic
Execution time: 0.016175985336304
array(1) { ["section"]=> string(135) "monika-kryemadhi-per-banoret-e-astirit-ju-jap-fjalen-e-zemres-me-dashurine-e-nenes-do-merrni-kompensimin-e-plote-mesazhi-i-plote-185622" }