Mos-hapja e negociatave, reagon Departamenti Amerikan i Shtetit: Jemi të zhgënjyer! Mbështesim Shqipërinë dhe Maqedoninë e Veriut

Publikuar tek: aktualitet, më 21:59 18-10-2019 Mos-hapja e negociatave, reagon Departamenti Amerikan i Shtetit: Jemi të zhgënjyer! Mbështesim Shqipërinë dhe Maqedoninë e Veriut

Departamenti Amerikan i Shtetit reagon për vendimin e sotëm të Këshillit të Europës për të mos hapur negociatat me BE-në, për Shqipërinë dhe Maqedoninë e Veriut.

Në një deklaratë të fundit, DASH thotë se mbështet Shqipërinë dhe Maqedoninë e Veriut në rrugën e integrimit euroatlantik, ndërsa shpreh zhgënjim me vendimin e sotëm të Këshillit. Zëdhënësja e DASH Morgan Ortagus ka publikuar në Twitter reagimin zyrtar të Departamentit, ndërsa thekson se pret që Këshilli të marrë një vendim pozitiv në verën e vitit 2020.

“Shtetet e Bashkuara mbështesin përkushtimin e Maqedonisë së Veriut dhe Shqipërisë ndaj integrimit transatlantik dhe aspiratat e tyre për anëtarësim në Bashkimin Europian. Jemi të zhgënjyer që Këshilli Europian nuk njohu përpjekjet shumë të forta për reforma të secilit vend me anë të një vendimi për të hapur negociatat për anëtarësim në këtë kohë.

Një vendim pozitiv do të kishte riafirmuar besueshmërinë e rrugës së tyre për në BE dhe do t’i ishte kundërvënë vendosmërisht aktorëve të huaj dashakeqës, të cilët kërkojnë të minojnë vlerat perëndimore dhe komunitetin euro-atlantik. Ne njohim faktin që Këshilli Europian nuk i tha “jo” as Shqipërisë dhe as Maqedonisë së Veriut, dhe as nuk përcaktoi kushte të reja për hapjen e negociatave për anëtarësim. Shpresojmë që Këshilli Europian do të arrijë konsensus për një vendim pozitiv për të dy vendet kohë përpara Samitit BE-Ballkani Perëndimor verën tjetër.

Shtetet e Bashkuara do të mbeten partner strategjik i Maqedonisë së Veriut dhe Shqipërisë teksa vazhdojnë punën për të forcuar sundimin e ligjit, për të çuar përpara përpjekjet anti-korrupsion, për të zhvilluar ekonomitë e tyre dhe për të luftuar krimin e organizuar. I nxisim të dy vendet të mbeten të palëkundur në ndërtimin e shoqërive transparente, të bazuara në rregulla dhe demokratike që iu përgjigjen nevojave të qytetarëve. Shtetet e Bashkuara do të vazhdojnë të punojmë me partnerët europianë për të çuar përpara synimet e përbashkëta të stabilitetit dhe sigurisë në Ballkanin Perëndimor”, thuhet në reagimin e Departamentit Amerikan të Shtetit.

Personazhi i vitit 2019

Sondazh

Article Logic
Execution time: 0.0074088573455811
array(1) { ["section"]=> string(133) "mos-hapja-e-negociatave-reagon-departamenti-amerikan-i-shtetit-jemi-te-zhgenjyer-mbeshtesim-shqiperine-dhe-maqedonine-e-veriut-182636" }