Naftë kontrabandë nga Maqedonia, arrestohet i fundit nga grupi me 8 anëtarë, ç’bënte më pas në Pogradec (VIDEO)

Publikuar tek: aktualitet, më 11:38 13-04-2017

Arrestohet në flagrancë një shtetas i cili kontrabandonte nga shteti maqedonas naftë, të cilën e depozitonte dhe tregëtonte në mënyrë të jashtëligjshme në Pogradec.

Specialistët e Sektorit kundër Krimit Ekonomik-Financiar në Drejtorinë Vendore të Policisë Korçë, në bashkëpunim me Prokurorinë e Rrethit Gjyqësor Pogradec, në kuadër të procedimit penal të vitit 2016, finalizuan me sukses operacionin policor e koduar “Porosia” si rezultat i të cilit u bë kapja dhe arrestimi në flagrancë i shtetasit Ilir Kosturi, 54 vjeç, banues në Pogradec.

Arrestimi i këtij shtetasi u bë në vijim të ngjarjes datë 06.04.2017, në të cilën u arrestuan në flagrancë 8 shtetas të cilët kontrabandonin naftë nga shteti maqedonas dhe më pas e shisnin në Pogradec në mënyrë të paligjshme.

Nga ana e strukturave të lartpërmendura ky procedim është ndjekur duke përdorur metoda speciale të hetimit, filmimit dhe vëzhgimit, të cilat janë autorizuar nga Prokuroria e Rrethit Gjyqësor Pogradec. 

Ky shtetas u kap në flagrancë duke shitur një sasi prej 520 litra naftë, sasi e dyshuar si kontrabandë e cila së bashku me një sasi lekësh dhe një aparat celular iu bllokua në cilësinë e provës materiale.

Materialet i kaluan Prokurorisë të Rrethit Gjyqësor Pogradec, për veprat penale: “Kontrabanda me mallra për të cilat paguhet akcizë”, “Ruajtja ose depozitimi i mallrave kontrabandë”, “Tregtimi dhe transportimi i mallrave që janë kontrabandë”. 

Sondazh

Më shumë në këtë kategori: « “Mëngjesi” në Bulqizë zbulon një çantë me drogë në banesën e 44-vjeçarit (FOTO)
Ngjarje e pazakontë në Berat, i dehuri “merr në qafë” edhe 5 shoferë të tjerë »
Article Logic
Execution time: 0.010567188262939
array(1) { ["section"]=> string(113) "nafte-kontrabande-nga-maqedonia-arrestohet-i-fundit-nga-grupi-me-8-anetare-c-bente-me-pas-ne-pogradec-video-75043" }