Ndahet nga jeta Prof.Dr. Gjergji Cepa, një nga themeluesit e Okulistikës Shqiptare

Publikuar tek: aktualitet, më 20:10 17-09-2020 Ndahet nga jeta Prof.Dr. Gjergji Cepa, një nga themeluesit e Okulistikës Shqiptare Gjergji Cepa

Një lajm i hidhur vjen për mjekësinë shqiptare dhe familjen Cepa.

Mjeku i njohur shqiptar, Prof.Dr. Gjergji Cepa, një ndër themeluesit e Okulistikës Shqiptare eshte ndarë nga jeta në moshën 81-vjeçare.

Ai lindi në 1939 në Korçë dhe u diplomua mjek okulist në Fakultetin e Mjekësisë në Universitetin e Leipzigut në Gjermani, 1957-1963.

Nga viti 1963-1965 vijoi specializimin në Tiranë dhe më pas u emërua në detyrën e Nen/Drejtorit të Spitalit Rajonal të Korçës, që e ushtroi deri në vitin 1974.

Në vitin 1975, Prof.Dr Gjergji Cepa emerohet mjek okulist në Klinikën Speciale dhe po këtë vit shkon për Specializim të mëtejshëm në Kinë.

Në vitin 1979, Prof.Dr Gjergji Cepa vijon specializimin në Austri.

cepa.jpg

Në vitin 1980, fitoi titullin e lartë “Doktor i Shkencave” dhe për shumë vite ishte Pedagog në Universitetin e Tiranës.

Si një ndër themeluesit e Okulistikës Shqiptare, ai botoi mbi 30 libra dhe artikuj të shumtë shkencorë për okulistikën, dhe për kontributet e tij të mëdha në fushën e mjekësisë u nderua me dhjetëra tituj brenda e jashtë vendit.

Botimet e tij janë bërë pjesë edhe të Bibliotekës Kombëtare të Austrisë dhe Gjermanisë.

Prof.Dr Gjergji Cepa është autor edhe i atlasit angjiografik të syrit.

Nga viti 1992 deri në vitin 2003 ka qenë bashkëkryetar i Shoqatës Oftalmologjike Shqiptare dhe nga viti 2003 deri në vitin 2009 ka qenë kryetar i saj.

Deri në moshën 78-vjeçare, edhe pse në pension, ai ushtroi me pasion e dashuri profesionin e tij si mjek okulist në shërbim të qytetarëve.

Stafi i Newsbomb.al i shpreh ngushëllimet familjes Cepa.

Sondazh

Article Logic
Execution time: 0.012470006942749
array(1) { ["section"]=> string(87) "ndahet-nga-jeta-prof-dr-gjergji-cepa-nje-nga-themeluesit-e-okulistikes-shqiptare-220744" }