Ndarja nga jeta e ish-kryetarit të Bashkisë Rrëshen, Basha mesazh ngushëllimi: La gjurmë në historikun e pushtetit vendor

Publikuar tek: politike, më 09:20 25-05-2020 Ndarja nga jeta e ish-kryetarit të Bashkisë Rrëshen, Basha mesazh ngushëllimi: La gjurmë në historikun e pushtetit vendor Lulzim Basha

Kreu i PD Lulzim Basha, ka shprehur ngushëllimet e tij për ndarjen nga jeta të ish-kryetarit të Bashkisë Rrëshen Preng Toma.

Basha shprehet se Toma ka lënë gjurmë të thella në historikun e ri të pushtetit vendor, , ndërkohë që me emrin e tij lidhen disa prej investimeve të rëndësishme që janë kryer këto vite në komunën Kthellë dhe bashkinë e Rrëshenit.

"Partia Demokratike ishte e nderuar që pati në radhët e veta si drejtues Preng Tomën, si në ditët e pushtetit, por edhe në ditët kur përçonte në të gjithë Shqipërinë modelin e opozitës morale, standardin e fortë të politikës qytetare, dhe qëndrestare që lufton për të mbrojtur të drejtat dhe dinjitetin e çdo qytetari", shkruan Basha.

Mesazhi i plotë i Bashës:

Mësova me hidhërim të thellë largimin para kohe nga jeta të Preng Tomës, njërit prej drejtuesve historikë të Partisë Demokratike në Mirditë. I mirënjohur për kontributin e tij pedagogjik shumëvjeçar në fushën e edukimit fizik, e posaçërisht si trajner i ekipit të volejbollit të vajzave të Minatorit, ekipit që ishte shndërruar në krenari të zonës për shkak të rezultateve të suksesshme në nivel kombëtar, Preng Toma ishte një qytetar i angazhuar që ja kushtoi jetën zhvillimit të krahinës së Mirditës.

Drejtues i shkëlqyer vendor, në komunën e Kthellës (1996-2003) e më pas në Bashkinë e Rrëshenit (2003-2007), Preng Toma ishte që prej vitit 1996 një nga njerëzit më të votuar nga komuniteti në të gjithë Qarkun e Lezhës. Partia Demokratike ishte e nderuar që pati në radhët e veta si drejtues Preng Tomën, si në ditët e pushtetit, por edhe në ditët kur përçonte në të gjithë Shqipërinë modelin e opozitës morale, standardin e fortë të politikës qytetare, dhe qëndrestare që lufton për të mbrojtur të drejtat dhe dinjitetin e çdo qytetari.

Preng Toma la gjurmë të thella në historikun e ri të pushtetit vendor në Shqipëri dhe me emrin e tij lidhen disa prej investimeve të rëndësishme që janë kryer këto vite në komunën Kthellë dhe bashkinë e Rrëshenit. Me largimin e tij të parakohshëm nga jeta, familja humbi njeriun e saj të shtrenjtë dhe qytetarët e Mirditës e dega e Partisë Demokratike të Mirditës njërin nga drejtuesit e saj më të spikatur. Ngushëllimet më të ndjera familjes, të afërmve dhe miqve. U prehtë në paqe!

99073822_3190562024328290_3462320188395880448_n.jpg

Sondazh

Article Logic
Execution time: 0.010071039199829
array(1) { ["section"]=> string(126) "ndarja-nga-jeta-e-ish-kryetarit-te-bashkise-rreshen-basha-mesazh-ngushellimi-la-gjurme-ne-historikun-e-pushtetit-vendor-207684" }