Ndarja nga jeta e mjekut të njohur, Basha shpreh ngushëllimet dhe zbulon lidhjen e veçantë: E kam parë nga afër pasionin dhe preokupimin e tij, nëna ime…

Publikuar tek: aktualitet, më 16:45 18-08-2019 Ndarja nga jeta e mjekut të njohur, Basha shpreh ngushëllimet dhe zbulon lidhjen e veçantë: E kam parë nga afër pasionin dhe preokupimin e tij, nëna ime…

Kryedemokrati Lulzim Basha ka shprehur ngushëllimet për ndarjen nga jeta të profesorit dhe pediatrit të njohur Thoma Kristo.

Përmes një statusi në ‘Facebook’, Basha deklaron se pediatria shqiptare është me fat për një figurë të tillë që ka shërbyer me pasion e me preokupim.

Gjithashtu Basha ka zbuluar edhe lidhjen e veçantë që ka pasur me doktorin, ku nëna e kryedemokratit ka qenë mësuesja e fëmijëve të Kristos.

Statusi i plotë:

Mësova më dhimbje largimin prej nesh të profesor Thoma Kristos, njërit nga themeluesit e shërbimit të pediatrisë në Shqipëri, lektorit të njohur të Fakultetit të Mjekësisë dhe autorit të mjaft teksteve e monografive për Mjekësinë Shqiptare. Në imagjinatën e njeriut s’ka qenie më afër hyjnores sesa mjeku, ai që jep e ruan jetë, por për nënat dhe gratë shqiptare s’ka për të pasur më afër këtij imazhi sesa imazhi i pediatrit, i njeriut që merret me shëndetin e fëmijës. Profesor Thoma Kristo e nisi profesionin e tij në kohën kur statistikat e vdekshmërisë foshnjore në Shqipëri ishin në nivele afrikane dhe kur ishte e zakonshme që në familjet shqiptare, bëhej pyetja “sa fëmijë ke gjallë”? Ai e shoqëroi evoluimin e shërbimit mjekësor ndaj fëmijëve me të njëjtin pasion, në të gjitha fazat e saj, derisa sot ishte njëri nga kontribuesit kryesorë në shërbimin shumë delikat e të specializuar të Kardio-Pediatrisë.

E kam parë nga afër se me sa pasion e preokupim i ndiqte zhvillimet në fushën e pediatrisë shqiptare profesor Thomai, me pasionin e mësuesit për nxënësit, njësoj siç ndiqte ecurinë e dy fëmijëve të tij, të cilët ishin nxënës të nënës time.

Pediatria shqiptare është me fat, se në sajë të punës së palodhur dhe themeleve të forta që ngritën profesor Thoma Kristo dhe kolegët e tij, nuk ka për t’u rrezikuar më të zbresë në nivele afrikane, paçka viruseve të këqija që po lëvrijnë sot në administrimin e mjekësisë tonë. Trashëgimia teorike, por edhe praktike që la profesor Thoma Kristo, me libra, tekste, studentë, por edhe pacientë, janë një garanci e fortë se pediatria shqiptare do t’ja dalë të mbërrijë më shpejt se shumë degë të tjera standardet evropiane.

Kjo garanci është gjithsesi një ngushëllim i vogël për humbjen e pazëvendësueshme në familjen e profesor Thoma Kristos si dhe për humbjen e madhe në radhët e profesoratit shqiptar.

I përjetshëm qoftë kujtimi i profesor Thoma Kristos!

69307979_2571316032919562_6380940939237523456_n.jpg

 

Sondazh

Article Logic
Execution time: 0.020396947860718
array(1) { ["section"]=> string(156) "ndarja-nga-jeta-e-mjekut-te-njohur-basha-shpreh-ngushellimet-dhe-zbulon-lidhjen-e-vecante-e-kam-pare-nga-afer-pasionin-dhe-preokupimin-e-tij-nena-ime-175702" }