Ndryshon mosha e daljes në pension, sa muaj u shtohet grave

Publikuar tek: aktualitet, më 08:51 03-01-2018 Ndryshon mosha e daljes në pension, sa muaj u shtohet grave

Me nisjen e vitit të 2018 ndryshon mosha e daljes në pension për gratë si dhe vitet e vjetërsisë në punë për burrat.

Kjo pasi, sipas reformës, që hyri në fuqi në janar të vitit 2015, parashikohet një rritje graduale e moshës dhe vjetërsisë në punë, çka lidhet direkt me masën e pensionit.

Kështu, gjatë këtij viti një grua duhet të jetë 60 vjeç e 8 muaj, në mënyrë që të përmbushë kriteret e daljes në pension. Me ndryshimet që iu bënë ligjit “Për sigurimet shoqërore”, parashikohet një rritje e moshës së daljes në pension me dy muaj në vit, duke u bërë 63 vjeç në vitin 2032.

Më pas do të nisë rritja e moshës edhe për burrat, për të shkuar në 67 vjeç në vitin 2056, për të dyja gjinitë. Por, ndonëse burrat nuk preken menjëherë nga zgjatja e moshës së daljes në pension, ata ndikohen nga rritja e viteve të vjetërsisë në punë.

Kjo do të thotë se, nëse një burrë, në dhjetor të vitit 2014 duhej të kishte 35 vite vjetërsi, nga data 1 janar 2018 duhet të ketë 36 vjet e 4 muaj. Referuar legjislacionit në fuqi, rritja graduale e vjetërsisë ndikon drejtpërdrejt në masën e pensionit të pleqërisë, duke qenë se është një prej përbërësve të formulës për përllogaritjen e tij.skan

Sondazh

Më shumë në këtë kategori: « Ku do t’ju çojë viti 2018? Ambasada Amerikane thirrje për të rinjtë shqiptarë
Policia britanike shpall në kërkim 2 të rinj shqiptarë, ja akuzat që rëndojnë mbi ta (EMRAT-FOTOT) »
Article Logic
Execution time: 0.010638952255249
array(1) { ["section"]=> string(65) "ndryshon-mosha-e-daljes-ne-pension-sa-muaj-u-shtohet-grave-105247" }