Në Pakistan gjejnë zgjidhje për “xhepistët”, policët pajisen me patina: Do lëvizim më shpejt në rrugë (FOTO)

Publikuar tek: bota, më 09:54 23-02-2021 Në Pakistan gjejnë zgjidhje për “xhepistët”, policët pajisen me patina: Do lëvizim më shpejt në rrugë (FOTO) Policet ne Paksitan

Policia në Pakistan, në qytetin e Karachi, ka gjetur një zgjidhje për të ulur numrin e krimeve banale, siç janë vjedhjet në rrugë dhe ngacmimet. Atje është themeluar një Njësi speciale policore e pajisur me patina.

Njësia do të përbëhet nga 20 pjesëtarë, të cilët do t’u nënshtrohen trajnimeve të rrepta. Ata do të kenë uniforma tërësisht të zeza dhe do të jenë të pajisur me mbrojtëse të gjunjëve dhe bërrylave, dhe të armatosur me pistoleta.

“Na u duk se kemi nevojë që të sjellim një qasje inovative për ta kontrolluar krimin në rrugë”, tha Farrukh Ali, udhëheqës i kësaj njësie policore, duke sqaruar se policët me këpucë me rrota do të mund t’i ndjekin më lehtë hajnat me motoçikleta në qytetin me 20 milionë banorë.

Megjithatë, ai pranoi se këta policë nuk do të mund të angazhohen në shumë pjesë të qytetit për shkak të gjendjes së dobët të rrugëve, por tha se ata do të dërgohen në vendet publike me më shumë raste të vjedhjeve dhe ngacmimeve, shkruan Reuters.

“Ky është vetëm fillimi. Këto këpucë me rrota vërtet do të na sjellin përfitime. Me këtë trajnim, mund të arrijmë në rrugica të ngushta shumë shpejt, ku zakonisht është vështirë të shkohet”, tha Aneela Aslam, police e njësisë së re policore.

Kjo njësi është shembull i njësive të ngjashme policore në disa vende të Evropës dhe pritet ta fillojë punën zyrtarisht muajin e ardhshëm. Megjithatë, pjesëtarët e kësaj njësie tashmë janë angazhuar në disa vende.

“T’i shohësh ata këtu në uniforma të pastra që nga mëngjesi na jep një ndjenjë sigurie, sepse vjedhjet ndodhin edhe gjatë ditës këtu”, tha një kalimtar i quajtur Muhammad Azeem.

336464_1851240_updates.jpg
2021-02-23T022737Z_1_LYNXMPEH1M02Q_RTROPTP_3_PAKISTAN-POLICE-ROLLERBLADING_1614051005444.webp
rollerat-600x360.png
rollera.png

Sondazh

Më shumë në këtë kategori: « Drejt zbardhjes vrasja e Armando Beqirit në Islandë, 10 të arrestuar, i dyshuari kryesor shqiptar (Policia sekuestron pamjet filmike)
TRAGJIKE/ Gruaja xheloze qëllon me armë 26-vjeçaren, e vrau vetëm se ishte ulur pranë burrit të saj (FOTO) »
Article Logic
Execution time: 0.013447999954224
array(1) { ["section"]=> string(109) "ne-pakistan-gjejne-zgjidhje-per-xhepistet-policet-pajisen-me-patina-do-levizim-me-shpejt-ne-rruge-foto-239883" }