Negociatat për të hyrë në BE, Donald TUSK mbërrin javën e ardhshme në Tiranë

Publikuar tek: politike, më 14:57 13-09-2019 Negociatat për të hyrë në BE, Donald TUSK mbërrin javën e ardhshme në Tiranë Presidenti i Këshillit të Europës Donald Tusk

Presidenti i Këshillit të Europës Donald Tusk do të vizitojë Tiranën javën e ardhshme.

Sipas informacioneve të fundit, zyrtari i lartë europian do të mbërrijë në vendin tonë ditën e martë, 17 shtator. Ai pritet të takohet me krerët dhe drejtuesit politikë të Shqipërisë. Në fokus të diskutimeve do të jetë çështja e hapjes së negociatave të vendit tonë për t’u anëtarësuar në BE.

Ditët e fundit ka patur zhvillime intensive në lidhje me nisjen e bisedimeve të vendit tonë me BE-në. Sot, kancelarja gjermane Angela Merkel konfirmoi pas takimit me kryeministrin Rama se parlamenti gjerman do të vendosë për aprovimin ose jo të nisjes së bisedimeve Shqipëri-BE në fund të këtij muaji. Ndërsa dje, kryeministri shqiptar theksoi se vendet e Vishegradit dhe Ballkanit Perëndimor i dhanë mbështetje Shqipërisë për çeljen e bisedimeve për anëtarësim në BE.

Në 18 tetor, Shqipëria dhe Maqedonia e Veriut presin përgjigje përfundimtare nga Europa e Bashkuar për negociatat me BE-në.

Personazhi i vitit 2019

Sondazh

Article Logic
Execution time: 0.06069803237915
array(1) { ["section"]=> string(82) "negociatat-per-te-hyre-ne-be-donald-tusk-mberrin-javen-e-ardhshme-ne-tirane-178327" }