Ngjarja në Elbasan, Balla: Policia bëri gjithçka siç duhej, askush s’mund të guxojë të rrezikojë jetën e qytetarëve

Publikuar tek: aktualitet, më 18:37 24-09-2020 Ngjarja në Elbasan, Balla: Policia bëri gjithçka siç duhej, askush s’mund të guxojë të rrezikojë jetën e qytetarëve

Ngjarja e sotme ku mbetën të plagosur dy të rinj dhe u ekzekutua nga RENEA 71-vjeçari Lefter Zhidru ishte diçka tronditëse për qytetin e Elbasanit dhe mbarë opinion publik.

Ndaj kësaj ngjarje të rëndë ka reaguar edhe Kreu i Grupit Parlamentar të PS Taulant Balla, njëherazi deputet i qarkut të Elbasanit, i cili është shprehur se Policia e Shtetit ishte në krye të detyrës në mbrojtje të jetës së qytetarëve dhe garantimit të rendit publik.

Me anë të një postimi në rrjetet sociale Balla i ka uruar shërim të shpejtë dy djemve të rinj që ranë pre e sulmit.

Ndër të tjera ai është shprehur se policia bëri gjithçka mundi ashtu siç duhej dhe se askush nuk mund të guxojë të rrezikojë jetën e qytetarëve dhe të punonjësve të Policisë.

Postimi i plotë:

Policia e Shtetit është në krye të detyrës në mbrojtje të jetës së qytetarëve dhe garantimit të rendit publik. Shërim të shpejtë dy djemve të rinj që pabesisht teksa kalonin rrugën ranë pre e sulmit sot në Elbasan. Policia bëri gjithçka mundi dhe ashtu siç duhej, por askush nuk mund të guxojë të rrezikojë jetën e qytetarëve dhe të punonjësve të Policisë

INFORMACIONI POLICOR

Pas 5 orë negociatash, fillimisht nga Policia Vendore e Elbasanit dhe më pas nga grupi negociator i Renas dhe i grupeve taktike të Reneas me shtetasin Lefter Zhidru, për t’u dorëzuar, ky shtetas nuk i është bindur në asnjë çast thirrjeve të Policisë për t’u dorëzuar, por ka reaguar me armë ndaj grupit negociator dhe grupeve taktike të Reneas që po negocionin me të.

Ndodhur në kushtet e mosbindjes për t’u dorëzuar, forcat speciale Renea kanë ngushtuar rrethimin e banesës ku ndodhej 71-vjeçari.

Shtetasi Lefter Zhidru, kur ka parë që forcat Renea po i afroheshin derës së banesës, ka hapur përsëri zjarr në drejtim të Policisë.

Në kushte të larta sigurie për jetën e punonjësve të Policisë, Renena i ka bërë përsëri thirrje për të hapur derën dhe t’i dorëzohej Policisë, por përsëri 71-vjeçari ka reaguar me armë dhe në këto kushte Renea ka shpërthyer derën për të hyrë në banesë.

Në momentin që forcat speciale Renea po ndërhynin në banesë 71-vjeçari ka sulmuar përsëri me breshëri plumbash Forcat Renea duke rrezikuar seriozisht jetën e tyre, por falë mburojës metalike kolektive nuk është lënduar ansjë punonjës i Reneas.

Në kushtet e vetëmbrojtjes forcat speciale Renea i janë kundërpërgjigjur më zjarr dhe gjatë shkëmbimit të zjarrit, 71-vjeçari ka mbetur i vrarë.

Grupi Hetimor, nën drejtimin e prokurorit, ndodhet në vendngjarje dhe në banesën e 71-vjeçarit ka gjetur dhe sekuestruar në cilësinë e provës materiale një armë zjarri kallashnikov, një sasi të konsiderueshme municioni luftarak dhe disa kallëpe me lëndë plasëse të montuara me kapsolla detonatore gati për shpërthim.

Sondazh

Article Logic
Execution time: 0.010303020477295
array(1) { ["section"]=> string(119) "ngjarja-ne-elbasan-balla-policia-beri-gjithcka-sic-duhej-askush-s-mund-te-guxoje-te-rrezikoje-jeten-e-qytetareve-221543" }