Ngjarja në Kodër-Kashar/Aluku piu gjithë natën alkool para ekzekutimit të vjehrrit

Publikuar tek: aktualitet, më 06:27 19-05-2015 Ngjarja në Kodër-Kashar/Aluku piu gjithë natën alkool para ekzekutimit të vjehrrit Altin Aluku

“Djalin tim e rrahën dhe na tha se e kishin rrahur të afërmit e vajzës me të cilën ka qenë i fejuar 7 vite më parë”. Kjo është arsyeja që  Xhevrije Aluku ka dhënë për krimin e kryer nga djali i saj, Altin Aluku, i cili ekzekutoi, ish vjehrrin  Lutfi Xhaferri dhe plagosi bashkëshorten e tij, Naime Xhaferrin.

“Nuk e di ç’të them për këtë veprim të tij. Para dy muajsh  djalin tim e rrahën në rrugë, teksa ishte duke u kthyer nga një ditëlindje e shokut të tij. Kur erdhi në shtëpi, e kishin masakruar. Ka ndejur në shtëpi pa dalë për rreth dy muaj, madje e rrahura kishte edhe hemoragji herë pas here. Djali na tha në atë kohë se e kishin rrahur të afërmit e vajzës me të cilën  kishte qenë i fejuar dhe ne  kemi dyshimet tona, sepse kur u nda djali im edhe vajza  e Lutfiut, daja i vajzës  ka ardhur ë shtëpinë  tonë dhe  ka thënë se nuk do të linte hakun pa marrë për këtë histori” , rrëfen  nëna e autorit Xhevrije Aluku në “GSH”.

Nëna tregon se një natë para ngjarjes i biri ka konsumuar tërë natën alkool, por nuk ka treguar se çfarë plani po përgatiste.

“As na e kishte  përmendur se çfarë do të bënte. Gjithë natën para ngjarjes ka ndenjur në kuzhinë duke pirë raki dhe në mëngjes ka marrë armën, që nuk e di se ku e ka gjetur, dhe ka shkuar atje. Unë lajmin e mora vesh vetëm kur më erdhi policia në shtëpi” , shprehet e moshuara.

Pas kësaj ngjarje në Kodër-Kashar, policia ka bërë të mundur arrestimin e autorit  Altin Aluku, si dhe ka arrestuar kryefamiljarin e  familjes Skënderin, pasi ka gjetur fishekë në banesën e tij.

Policia po heton për zbardhjen e plotë të motiveve të kësaj ngjarje.

Sondazh

Më shumë në këtë kategori: « Si e mori vajzën 2-muajshe në Siri luftëtari shqiptar i ISIS-it, Imami Hysa ndërlidhësi
Shkodër, makina përplas kalimtaren, ndërron jetën 52-vjeçarja »
Article Logic
Execution time: 0.013437032699585
array(1) { ["section"]=> string(88) "ngjarja-ne-koder-kashar-aluku-piu-gjithe-naten-alkool-para-ekzekutimit-te-vjehrrit-11454" }