Ngrija e SPAK/ PD falenderon SHBA-në, mesazh prokurorëve: Shkatërroni krimin politik, duhet të jeni të paanshëm

Publikuar tek: aktualitet, më 11:15 19-12-2019 Ngrija e SPAK/ PD falenderon SHBA-në, mesazh prokurorëve: Shkatërroni krimin politik, duhet të jeni të paanshëm Selia e PD

Në një deklaratë për shtyp, Partia Demokratike ka përshëndetur fillimin e punës së Stukturës së Posaçme për Krimin dhe Korrupsionin, e njohur si SPAK.

Ndër të tjera, PD kërkon që ky institucion i drejtësisë së re të veprojë në mënyrë profesionale, të paanshme dhe të vendosur. Ajo thekson se ka miratuar me bindje ligjin për ngritjen e SPAK dhe të Byrosë Kombëtare të Hetimit, ka vullnetin për t’i dhënë besim dhe për të mos paragjykuar asnjë prej prokurorëve në përbërje të kësaj strukture, pavarësisht vendimeve të disa prej tyre, në të shkuarën.

Më përfundim, PD ka falenderuat aleatët e SHBA, për ndihmën e dhënë në bërjen funksionale të SPAK dhe për gatishmërinë e treguar për të vijuar mbështetjen për funksionimin e pavarur të SPAK.

DEKLARATA E PLOTË

Partia Demokratike përshendet fillimin e punës së SPAK-ut dhe mbështet funksionimin e pavarur të kësaj strukture. Fillimi menjëherë nga puna dhe ndëshkimi i krimit të organizuar dhe korrupsionit duhet të bëhet në mënyrë profesionale, të paanshme dhe të vendosur.

Partia Demokratike, e cila ka miratuar ligjin për ngritjen e SPAK dhe të Byrosë Kombëtare të Hetimit, ka vullnetin për t’i dhënë besim dhe për të mos paragjykuar asnjë prej prokurorëve në përbërje të kësaj strukture, pavarësisht vendimeve të disa prej tyre, në të shkuarën.

Është koha që prokurorët të ngrihen në lartësinë e detyrës dhe të përmbushin pritshmërinë e qytetarëve shqiptarë për t’i dhënë fund pandëshkueshmërisë së krimit të organizuar, promovuesve të kriminelëve në politikë dhe zyrtarëve të korruptuar.   

Shqipëria ka një shans të ri dhe real për të luftuar krimin e organizuar dhe korrupsionin në nivelet më të larta, nga kriminelët me mbështetje qeveritare, tek politikanët dhe zyrtarët e lartë. 

Partia Demokratike falenderon Shtetet e Bashkuara të Amerikës për ndihmën e dhënë deri më tani për bërjen funksionale të SPAK dhe për gatishmërinë e treguar për të vijuar mbështetjen për funksionimin e pavarur të SPAK.

Sondazh

Më shumë në këtë kategori: « REFORMA ZGJEDHORE/ Dy deputetë dorëzojnë në Kuvend propozimin për LISTA TË HAPURA
Qeveria hap garën për ndërtimin e aeroportit të Vlorës, Klosi: Do arrijmë objektivin për 10 milionë turistë të huaj »
Article Logic
Execution time: 0.013474941253662
array(1) { ["section"]=> string(114) "ngrija-e-spak-pd-falenderon-shba-ne-mesazh-prokuroreve-shkaterroni-krimin-politik-duhet-te-jeni-te-paanshem-189830" }