Nishani nuk tërhiqet: Zhiti nuk shkon në Vatikan

Publikuar tek: aktualitet, më 23:20 11-02-2015 Nishani nuk tërhiqet: Zhiti nuk shkon në Vatikan

Visar Zhiti nuk do të shkojë në Vatikan dhe asnjë ambasador tjetër nuk do të emërohet nëse qeveria nuk i konsulton më parë me kreun e shtetit. Kjo është ajo çfarë ka deklaruar Presidenti i Republikës Bujar Nishani gjatë një interviste për Abc News.

Nishani është shprehur prerë se asnjë ambasador nuk do të emërohet prej tij, nëse qeveria nuk e konsulton më parë me të kandidaturën. Sipas tij, ky është detyrim kushtetues dhe kërkon që të respektohet.

Duke folur për emrin e Visar Zhitit, i cili është propozuar nga qeveria si kandidat për ambasador në shtetin e Vatikanit, presidenti tha se shkrimtari i njohur nuk është personi i duhur që mund të përfaqësoj Shqipërinë në Selinë e Shenjtë.

Nishani e ka komentuar të nxituar deklaratën e Zhitit për inkuizicion nga kisha, duke thënë se kjo mund të krijojë probleme në Vatikan.

Kreu i shtetit ka thënë gjithashtu se për Visar Zhitin ekzistojnë mundësi të tjera për tu emëruar si ambasador, përkatësisht në ambasadën e Shqipërisë në Romë, Paris apo në konsullatën e Përgjithshme në Milano.

Emri i Visar Zhitit për ambasador në Vatikan ka marrë mbështetjen si të qeverisë ashtu edhe të opozitës, duke kujtuar se pak ditë më parë deputetë të PD-së kanë kërkuar publikisht nga presidenti Nishani dekretimin e tij.

Sondazh

Më shumë në këtë kategori: « Sot mbasdite zhbllokohet aksi rrugor Elbasan - Gramsh
Elbasan/ Ujësjellësi dëmton asfaltin, lë kanalet e hapura në mes të rrugës »
Article Logic
Execution time: 0.012416124343872
array(1) { ["section"]=> string(52) "nishani-nuk-terhiqet-zhiti-nuk-shkon-ne-vatikan-3097" }