Nishani uron besimtarët për muajin e Ramazanit: Nesër nis sakrifica dhe reflektimi

Publikuar tek: aktualitet, më 13:44 17-06-2015 Nishani uron besimtarët për muajin e Ramazanit: Nesër nis sakrifica dhe reflektimi

Presidenti Bujar Nishani ka uruar besimtarët myslimanë për muajin e shenjtë të Ramazanit, që fillon nesër. Në shenjë të sakrificës ndaj Allahut, besimtarët  në të gjithë botën agjërojnë për 30 ditë.

“Nesër nis muaji i sakrificës dhe reflektimit, muaji i Ramazanit. Ju uroj nga zemra dhe me gjithë shpirt këtë rit me rëndësi të pallogaritshme, këtë Festë, e cila prej shekujsh lartëson shpirtrat dhe kthjellon mendjet e miliona besimtarëve në mbarë botën, këtë mrekulli sa qiellore dhe tokësore, sa të bukur dhe të dobishme!Ramazani është Festa që realizon lidhjen mes sakrificës së vullnetshme hyjnore me efektet pozitive tokësore të asaj sakrifice. Duke i bërë besimtarët, dhe jo vetëm ata, që të harrojnë dasitë e përditshmërisë, Ramazani mundëson gjithçka që lypset për një jetë normale, dinjitoze; afron njerëzit, rrit vetëdijen mbi detyrat dhe të drejtat, sjell në vëmendje vlerat njerëzore, afron të mirat, ndjeshmërinë, mëshirën, dhembshurinë, dashurinë, largon të këqijat, veset, hilet, zënkat, sherret, por më së shumti afron secilin njeri veç e veç dhe të gjithë njerëzit bashkë me Zotin.Janë të panumërta dhe të pakrahasueshme të mirat që sjell Ramazani” , shkruan Nishani.

Presidenti shton më tej se, “Duke na bërë më të ndjeshëm dhe më të dashur, Ramazani na jep rastin të shtojmë vetëkontrollin, të frenojmë emocionet, të shohim çfarë nuk shkon në jetët tona, ku i kemi defektet, të shtojmë syçelësinë ndaj shembujve të këqij që t’i ndreqim, si dhe të shohim ku i kemi shembujt e mirë e të dobishëm që t’i inkurajojmë që të shpeshtohen.Ramazani e bën pra njeriun më të mirë, më të butë, më të kujdesshëm, më të vëmendshëm ndaj vetes dhe gjithë të tjerëve.Ju uroj Ramazan të lehtë, mendje të kthjellët, shpirt të kulluar!”

Sondazh

Më shumë në këtë kategori: « Shahu lëndë më vete në shkolla, nënshkruhet marrëveshja
Arrestohet 32 vjeçari në Kukës, akuzohet për thirrje me qëllime terroriste »
Article Logic
Execution time: 0.011805057525635
array(1) { ["section"]=> string(87) "nishani-uron-besimtaret-per-muajin-e-ramazanit-neser-nis-sakrifica-dhe-reflektimi-13841" }