Një këshillë për fëmijët mbi leximin dhe shmangien e internetit

Publikuar tek: kulture-art, më 15:30 26-04-2019 Një këshillë për fëmijët mbi leximin dhe shmangien e internetit

Në Ditën Ndërkombëtare të Librit, 23 prill, një nga shqetësimet e autorëve dhe mësuesve ishte largimi i brezit të ri nga leximi. Por teksa lexon esetë e një pjesë të fëmijëve të shkollave në Tiranë, kupton se largimi nga librat nuk është një fenomen përgjithësues.

Moa Malaj, në klasën e pestë të shkollës ‘Kosova’, në pak rreshta sjell një model ndryshe për fëmijët e brezit të saj duke treguar se interneti, video-lojërat dhe televizioni nuk janë i vetmi argëtim i fëmijëve.

Në vijim mund të lexoni shkrimin e Moa Malaj, fitues e çmimeve për esenë më të mirë në Shkollën ‘Kosova’, klasa e gjashtë.

Esse- Libri
Nga Moa Malaj*
Fëmijët sot në botë, përditë e më tepër kanë filluar të shkëputen nga libri. Leximi i librave sa vjen e po zbehet. Ata e kalojnë kohën e lirë në internet dhe përpara televizorit. Ne dhe të gjithë të tjerët duhet të kujdesemi më shumë për leximin.
Video-lojërat, televizioni dhe rrjetet sociale janë hajdutët më të tmerrshëm. Ata pakuptuar na vjedhin kohën tonë të shtrenjtë. Ato më shumë na sjellin probleme se sa na edukojnë. Nga këto të fundit marrim informacion të bollshëm, por të pa dobishëm. Interneti është burimi i çdo përgjigje por këto përgjigje vihen gjithmonë në pikëpyetje pasi të gjithë kanë të drejtë të shkruajnë dhe të komentojnë.
Libri është një mik që nuk të lë kurrë në baltë. Televizori ti jep të gjitha gati dhe nuk të lejon të zhvillosh imagjinatën, ndërsa libri të fton të udhëtosh dhe të eksplorosh bashkë me të ëndrrat e tua më të bukura. Ai është një mik i mrekullueshëm dhe i pazëvendësueshëm. Televizori, dëmton memorjen dhe nxit dembelizmin. Ai nuk të përcjell emocionet që të dhuron leximi i librit.. Ndërsa nga libri mësojmë gjithmonë faktet dhe të vërtetën.
Fëmijët duhet të bisedojnë më shumë me njëri-tjetrin në lidhje me librin, në mënyrë që tu shtohet dëshira për të lexuar. Mësuesit duhet ti nxitin fëmijët të lexojnë sa më shumë libra nëse duan të bëhen dikush në jetë. Prindërit duhet tu blejnë herë pas here libra fëmijëve. Nxënësit duhet të jenë shembulli më i mirë i leximit të librave dhe jo të bëjnë të kundërtën. Fëmijët duhet ta konsiderojnë librin si një univers më vete dhe nuk duhet të lexojnë sa për të kaluar radhën. Asnjëherë nuk duhet ti neglizhojmë librat. Brenda vetes çdo libër fsheh një thesar të çmuar.
Nëse do te jesh i ditur lexo dhe mos e humb kohën kot. Libri të edukon. Ai të mëson ç’janë ndjenjat. Libri të hap dritare dhe horizonte të reja. Ai nuk të mëson kurrë gjëra te gabuara. Një njeri i ditur ka thënë: ‘Ka krime më të rënda se djegia e librave, një ndër ato është të mos i lexosh’.

Sondazh

Article Logic
Execution time: 0.0067708492279053
array(1) { ["section"]=> string(70) "nje-keshille-per-femijet-mbi-leximin-dhe-shmangien-e-internetit-161955" }