Teksa pritet që ditën e sotme të merret vendimi për 11 protestuesit kuksianë që vazhdojnë të jenë të arrestuar pas protestën në Rrugën e Kombit ditë më parë, disa studentë të Fakultetit të Drejtësisë në Tiranë janë mbledhur për të solidarizuar për kuksianët që protestuan para gjykatës.
Studentët u mblodhën në oborrin e Fakultetit duke mbajtur pankarta dhe kërkonin lirimin e protestuesve.
“Një qiri për drejtësinë e vdekur. Të lirohen 11 kuksianët!” – shkruhej ne disa prej pankartave që ata mbanin në duar.
