Operacioni antidrogë i 3 shteteve, policia: U kapën 1.9 ton kanabis, arrestohen skafistët shqiptarë

Publikuar tek: aktualitet, më 09:12 05-08-2017 Operacioni antidrogë i 3 shteteve, policia: U kapën 1.9 ton kanabis, arrestohen skafistët shqiptarë

Kanë dalë detaje nga operacioni i përbashkët i policive të tre shteteve, përfshirë Policinë shqiptare, Guardia Di Finanza të Italisë dhe policinë e Malit të Zi. Ata kanë arritur të bllokojnë mbrëmë një skaf me një sasi të madhe droge, duke arrestuar 2 trafikantët shqiptarë.

Mësohet se sasia e kanabis e kapur është 1.9 ton, që skafistët e hodhën në det sapo pikasën policinë.

Njoftimi i Policisë:

Finalizohet një tjetër Operacion ndërkombëtar antidrogë.

Bashkëpunim trepalësh i policive të Shqipërisë, Italisë dhe Malit të Zi me mbështetjen ajrore të Frontex.

Sekuestrohet një gomone në ujërat ndërkombëtare.

Arrestohen dy skafistët që ishin në bord.

Trafikantët janë duke eksperimentuar por pa sukses rrugë alternative për shkak të vështirësisë së hasur në ujërat shqiptare ku operojnë forcat e policisë së kufirit dhe të Guardia di Finanza të Nuklit të Kufirit Detar të Durrësit dhe Vlorës.

Informacionet kalojnë në kohë reale nga Italia, Shqipëria dhe Mali i Zi duke krijuar një rrjetë të pakalueshme për trafikantët.

Ndjekja e gjatë prej pothuaj 5 orësh, bëri të mundur bllokimin e  gomones së fuqisë  së lartë me tre motorë.

Dy trafikantët u ndaluan në det të hapur nga Guardia di Finanza e Termolit dhe Barit të drejtuar nga avioni i Frontex.

Forcat e policisë së kufirit të Shqipërisë me koordinimin e QNOD, NUFROM i Guardia di Finanza në Durrës dhe Vlorë dhe policia e kufirit të Malit të Zi kishin dalë në afërsi të kufirit Shqipëri -Mali i Zi ku edhe ishte drejtuar gomonia pasi i ishte afruar njëherë bregdetit të Termolit në Molizë nga ku edhe ka filluar ndjekja.

Gjatë ndjekjes trafikantët kanë hedhur në det ngarkesën duke e bërë më të vështirë ndjekjen.  Tashmë trafikantët dhe gomonia janë sekuestruar dhe i janë dorëzuar autoriteteve gjyqësore italiane.

Vijon rikuperimi i lëndës narkotike, ku ende nuk dihet pesha, pasi për shkak të errësirës është vështirë rikuperimi në det i lëndës narkotike.

 Për shkak të sekretit hetimor rezervohen të jepen detaje.

Sondazh

Më shumë në këtë kategori: « Sekuestrohen 107 kg drogë në Këlcyrë, procedohet kryeplaku i fshatit
E PAZAKONTË/ Shqiptari që erdhi nga SHBA, si luftoi me flakët pesë vite më parë, Apeli: Dilni të gjithë, mbroni pyjet »
Article Logic
Execution time: 0.01348090171814
array(1) { ["section"]=> string(71) "operacioni-antidroge-i-3-shteteve-policia-u-kapen-1-9-ton-kanabis-88314" }