Operacioni masiv i policisë gjatë natës, sekuestrohen 2 ton e 212 kile drogë (DETAJET NGA “ADRIATIKU”- VIDEO)

Publikuar tek: aktualitet, më 11:55 10-02-2017

Gjatë natës operacion masiv kundër trafikut të lëndëve narkotike. Operacionet në Lezhë dhe Tepelenë. Sekuestrohen në total lëndë narkotike me peshë rreth 2 ton e 212 kg lëndë narkotike dhe Shpallet ne kerkim nje person.

-Operacioni i parë i koduar "Adriatik" është zhvilluar në grykëdredhjen e lumit Ishëm nga Policia Kufitare në bashkëpunim të ngushtë me Sektorin kundër Narkotikëve në Drejtorinë Vendore të Policisë Lezhë dhe Komisariatin e Policisë Kurbin.

Si rezultat i këtij operacioni është sekuestruar një gomone dhe një sasi lëndë narkotike me peshë  rreth 1 ton e  450 kg Cannabis Sativa.

-Operacioni i dytë u zhvillua në Dhëmblan, Tepelenë nga Seksioni Kundër Narkotikëve në bashkëpunim me Komisariatin e Policisë Tepelenë, ku në 1 banesë u sekustrua lëndë narkotike më peshë rreth 762 kg lëndë narkotike Cannabis Sativa.

_____

Kurbin, Lezhë:

Operacion i përbashkët nga   Shërbimet e Policisë Kufitare Shëngjin në bashkëpunim me Seksionin kundër narkotikëve në Drejtorinë Vendore të Policisë Lezhë

Sekuestrohen 1 ton e 450 kg lëndë narkotike e dyshuar marijuanë. Më  datë 10.02.2017,  shërbimet e policisë kufitare Shëngjin kanë konstatuar një gomone në  grykëderdhjen e lumit Ishëm. Në gomone nuk u konstatuan persona dhe as përreth saj.

Menjëherë  efektivët e Drejtorisë Vendore të Policisë Lezhë kanë filluar kontrollin e territorit përreth . Si rezultat i krehjes së zonës, në vendin e quajtur Godull në Kurbin , u gjet e fshehur në shkurre një sasi lënde narkotike e dyshuar marijuanë  paketuar e gatshme për trafikim në total 1 ton 450 kg.

Vazhdojnë veprimet hetimore për identifikimin e autorëve dhe dokumentimin e plotë të ngjarjes.

______

Tepelenë:

Sekuestrohet e me pas  asgjësohet me anë të djegies një sasi prej 762 kg lëndë e dyshuar narkotike Cannabis Sattiva.

Shpallet në kërkim poseduesi i lëndës narkotike.

Operacion i zhvilluar nga Seksioni Kundër Narkotikëve në bashkëpunim me Komisariatin e Policisë Tepelenë.

Në bazë të informacioneve të marra në rrugë operative se në banesën e shtetasit G.D.  kishte lëndë  narkotike, në datë 09.02.2017, është ushtruar kontroll  nga ana e punonjësve të policisë.

Nga kontrolli i ushtruar rezultoi se në tavanin e banesës dhe në një kasolle në afërsi të banesës, janë gjetur 55 thasë plasmasi me ngjyrë të zezë ku brenda tyre kishte lëndë të dyshuar narkotike të llojit Cannabis Sattiva.

Pesha totale e lëndës narkotike 762 kg.

Nga specialistët e seksionit Kundër Narkotikëve u bë  shpallja në kërkim e shtetasit :

G.D., 40 vjeç, banues në fshatin  Dhëmblan,  Tepelenë.

Po punohet për kapjen e këtij shtetasi.

Lënda narkotike u asgjësua në vend me anë të djegies dhe një pjesë e saj u sekuestrua në cilësinë e provës materiale.

Materialet i kaluan Prokurorisë Pranë Gjykatës së Shkallës së Parë Gjirokaster për hetim të mëtejshëm për veprën penale “Prodhim dhe shitje të lëndëve narkotike” parashikuara nga neni 283 i Kodit Penal.

Sondazh

Më shumë në këtë kategori: « Ngjarje e rëndë në Gjirokastër, 43-vjeçari bie nga ballkoni dhe gjen vdekjen e mënjëhershme
600 mijë euro të hedhura në kosh, e pabesueshme si e argumenton Rama shkuljen e bujshme të palmave (SI ISHIN- SI JANË) »
Article Logic
Execution time: 0.011854887008667
array(1) { ["section"]=> string(109) "operacioni-masiv-i-policise-gjate-nates-sekuestrohen-2-ton-e-212-kile-droge-detajet-nga-adriatiku-video-68314" }