Opozita e Bashkuar në krah të METËS, i gëzohet raportit të Venecias: Nuk e la RAMËN të uzurponte presidencën (DEKLARATA)

Publikuar tek: politike, më 14:21 14-10-2019 Opozita e Bashkuar në krah të METËS, i gëzohet raportit të Venecias: Nuk e la RAMËN të uzurponte presidencën (DEKLARATA) Kreu i PD-së Lulzim Basha me aletatët e tij

Opozita e Bashkuar vlerësoi pozitivisht raportin përfundimtar të Komisionit të Venecias ku nuk përmendi këtë herë se kreu i shtetit Ilir Meta kishte tejkaluar kompetencat si president.

Në qëndrimin e përbashkët të publikuar së fundmi, blloku i partive opozitare konsideroi se KV-ja ndaloi kryeministrin Rama të uzurponte postin e presidentit.

Sipas saj, ky qëndrim i dha fund propagandës së Edi Ramës për shkarkimin e presidentit për çdekretimin e zgjedhjeve të 30 qershorit.


DEKLARATË E PËRBASHKËT E OPOZITËS SË BASHKUAR

Opozita e Bashkuar përshëndet opinionin e Komisionit të Venecias që rrëzoi planin antikushtetues të Edi Ramës për të uzurpuar institucionin e Presidentit të Republikës.

Komisioni i Venecias konfirmoi se Presidenti i Republikës Sh.T.Z. Ilir Meta nuk ka kryer asnjë shkleje të Kushtetutës dhe se iniciativa qeveritare për shkarkimin e tij bie ndesh me Kushtetutën.

Opozita e Bashkuar vlerëson rolin e Presidentit të Republikës, të konfrimuar edhe nga Komisioni i Venecias, se, me anullimin dhe shtyrjen e datës së zgjedhjeve, Presidenti ka ndjekur një qëllim legjitim për të shmangur konfliktet e mundshme sociale dhe për të mbrojtur demokracinë në vend.

Komisioni i Venecias pohon se qeveria e Edi Ramës nuk ka ndjekur rrugën kushtetuese për kundërshtimin e Dekreteve të Presidentit. As Qeveria dhe as Parlamenti monist nuk kanë sfiduar përpara asnjë gjykate Dekretet Presidenciale. Kjo nënkupton se Dekretet e Presidentit për anullimin dhe shtyrjen e datës së zgjedhjeve janë edhe sot në fuqi.

Votimet moniste të 30 Qershorit, të mbajtura pa Dekret të Presidentit të Republikës, janë jo vetëm antikushtetuese, por një akt i paprecedentë në historinë e 30 viteve demokraci. Ky akt është një hap i madh prapa, që bie ndesh me vlerat dhe strandardet europiane.

Opinioni konfirmoi edhe njëherë se qëllimi i vetëm i Edi Ramës është kapja e të gjitha pushteteve, rrënimi i shtetit ligjor dhe parimit të ndarjes e balancimit të pushteteve, me qëllimin e vetëm të mbrojtjes së krimit dhe korrupsionit qeveritar.

Edi Rama është konfirmuar si Kryeministri i vetëm në Europë që, pasi kontrollon politikisht Parlamentin, prokurorinë, gjykatat, ekonominë, pushtetin lokal, po tenton të kapë politikisht edhe institucionin e Presidentit.

 Opinioni Final i Komisionit të Venecias rrëzon propagandën e Edi Ramës për shkarkimin e Presidentit, propagandë e cila mbahet në këmbë nga një komision parlamentar me mision të dështuar antikushtetues.

Sondazh

Article Logic
Execution time: 0.023818969726562
array(1) { ["section"]=> string(123) "opozita-e-bashkuar-ne-krah-te-metes-i-gezohet-raportit-te-venecias-nuk-e-la-ramen-te-uzurponte-presidencen-deklarata-182010" }