Pajisja misterioze e izraelitit në Rinas, Policia jep informacion

Publikuar tek: aktualitet, më 21:22 24-03-2017 Pajisja misterioze e izraelitit në Rinas, Policia jep informacion

Policia e Shtetit ka dhënë informacion lidhur me ndalimin e një shtetasi izraelit gjatë largimit nga aeroporti i Rinasit, ku iu gjet një pajisje elektronike që dyshohet se shërben për zbulimin e pajisjeve të përgjimit.

Policia e ka pranuar ndalimin e shtetasit izraelit dhe ekzistencën e pajisjes për të cilën thotë se po hetohet për të zbuluar funksionin e saj.

Njoftimi i Policisë:

Nisur nga informacione të marra, për hyrjen e shtetasit (të huaj) Izraelit, F.Y, 51 vjeç, në pikën e kalimit kufitar Rinas, me një pajisje elektronike, Sektori për Krimin Ekonomiko-Financiar, në Drejtorinë Vendore të Policisë Tiranë, filloi veprimet verifikuse dhe proceduriale në bashkëpunim me Njësinë e Prokurorisë Task-Forcë, pranë Prokurorisë së Rrethit Gjyqësor Tiranë, nën drejtimin e prokurorit të gatshëm.

Ky shtetas është ndaluar nga shërbimet e policisë kufitare Rinas, në momentin që ishte duke dalë nga territori i Shqipërisë dhe u shoqërua në ambientet e Komisariatit të Policisë, Rinas.

Pas mbajtjes së personit në ambientet e Komisariatit Rinas, në drejtimin e Prokurorit, u bë këqyrja e kësaj aparature elektronike dhe pritet akt ekspertimi, per te percaktuar cfunksion kryen, njëkohesisht iu konstatua edhe një aparat telefonik i markës "IPHONE".

Këto sende u sekuestruan në cilësinë e provës materiale me urdhër të prokurorit të gatshëm.

Ky shtetas është shoqëruar në ambientet e Drejtorisë Tiranë, ku në prezencën e një përkthyesi ligjor po intervistohet nga prokurori i çështjes

Sondazh

Më shumë në këtë kategori: « “Pajisja përgjuese” e izraelitit që u gjet në Rinas, deputeti Flamur Noka publikon FOTON
“Veprim kriminal dhe anti-kombëtar”, shpërthen avokati: Kjo shoqëri ka censuruar TVSH-në për mostransmetimin e ndeshjeve »
Article Logic
Execution time: 0.021188020706177
array(1) { ["section"]=> string(70) "pajisja-misterioze-e-izraelitit-ne-rinas-policia-jep-informacion-73044" }