Paralajmërimi i Artan Hoxhës: Kush është rreziku i zgjedhjeve dhe dy trafikantët që ndikojnë

Publikuar tek: aktualitet, më 21:36 30-03-2017 Paralajmërimi i Artan Hoxhës: Kush është  rreziku i zgjedhjeve dhe dy trafikantët që ndikojnë

Gazetari Artan Hoxha duke folur për zgjedhjet e ardhshme ka paralajmëruar një përplasje të fortë mes lobeve ekonomike dhe atyre të krimit këtë vit zgjedhor në Elbasan.

Në emisionin “Të paekspozuarit” në News24, Hoxha tha se Vaterloja ka zbritur nga Lezha në Elbasan ku të gjitha partitë kanë bazat e tyre.

“Rreziku i këtyre zgjedhjeve është Elbasani. Do ketë një përplasje shumë të fortë. Edhe një nga partitë e koalicionit, partia çame ka bazë të fortë, PS po, LSI po dhe opozita nuk heq dorë. Përplasje e lobeve të forta ekonomike dhe të botës së krimit. Vaterloja ka zbritur nga Lezha në Elbasan. Bisnesi i pari, paraja”, theksoi ai.

Ai zbuloi detaje në lidhje me akuzat që deputetët e LSI-së, Vangjel Tavo dhe Lefter Koka bënë ndaj drejtorëve të policisë, përkatësisht të Gjirokastrës dhe Durrësit. Hoxha tha se ato ditë policia e Gjirokastrës dhe Durrësit arrestuan 2 trafikantë droge të cilët më pas u lanë të lirë dhe se mund të përdoren si sponsorizues fushate.

“I pari ka dalë deputeti Vangjel Tavo dhe ka sulmuar drejtorin e policisë së Gjirokastrës si i lidhur me botën e narkotikëve, të nesërmen erdhi nga Lefter Koka drejtorin e policisë së Durrësit. Kjo u bë se policia e Gjirokastrës ka shoqëruar një person që ka qenë një nga trafikantët kryesorë të Lazaratit kur qeveriste PD, dhe dyshohet se do sponsorizojë fushatën e Gjirokastrës. E njëjta gjë ndodhi në Durrës, një trafikant në Hollandë. Policia i arrestoi për t’i thënë ne e dimë kush jeni ju dhe çfarë bëni, sot ata vazhdojnë jetën e tyre normalisht dhe uroj që të mos financojnë zgjedhjet,” u shpreh Hoxha.

Sondazh

Më shumë në këtë kategori: « Sherr për pazare droge, si u parandalua vrasja mes të rinjve brenda lokalit në Shkodër(PAMJET)
Itali, çifti shqiptar kapet me 400 gramë kokainë »
Article Logic
Execution time: 0.011023998260498
array(1) { ["section"]=> string(97) "paralajmerimi-i-artan-hoxhes-kush-eshte-rreziku-i-zgjedhjeve-dhe-dy-trafikantet-qe-ndikojne-73639" }